Kadaghanan nato mibaliwala lang og hulmigas. Bisan paakon, OK lang. Gani kon injeksyonan, ang naghilak nga bata pasaligan lang: “OK ra ni, Dong, dili sakit mora la’g paak sa hulmigas.â€
* * *
Apan diay dili angay bali-walaon ang paak sa hulmigas. Matud pa niining artikulo nga atong nabasa bahin sa hulmigas angay kabalak-an ang hulmigas o ang pinaakan niini.
* * *
Naay mga hulmigas nga nagkinahanglan og emergency treatment ang pinaakan tungod sa allergic reactions niini. Ug naay mga allergic reaction nga kun dili maatiman pag-ayo mohatag og kadaut sa panglawas sa tawo.
* * *
Ug naay mga hulmigas kang kansang pinaakan nagdala og bacteria ug mga makadaut nga kagaw. Busa suma pa sa mga eksperto kinahanglan dalion pag asikaso ang pinaakan sa maong hulmigas.
Dihay usa ka dapit sa Kenya diin grabe ang infestation sa hulmigas daghang mga batang masuso pa ang nangamatay gumikan sa pinaakan sa hulmigas. Napugos pagpangayo’g tabang sa UN World Health Organization ang kadagkuan sa maong dapit.
* * *
SA LAING BAHIN ... Kumusta sa atong mga higalang taxi ug PUJ drivers. Salamat sa inyong nagpadayong suporta sa Banat News.