Ang hustong oras sa pagseks

Daghang mi-text nga tigbasahan sa Banat News, ilabi na sa atong lindog nga Himsog Nga Kasayuran. Sagad nagpakisayud sa unsay angay buhaton sa ilang nagkalainlaing problema nga may kalambigitan sa pagseks. 

Tungod kay dili mapaigo ang oras kun ato gyud tagsatagsaon pagtubag, kining atong tema ron, mahimong usa ni sa sulbad, nga kinahanglan gyud ang hustong oras sa pagseks.

Bisan tuod yano lamang kining tulumanon sa mga magtiayon, apan baya daghan nang nangadaut nga relasyon gumikan lang aning problemaha. Unsaon man sad nga kadtong buot mo-entra aning buhata, igo man lang gitisok ang kahinam. Wala hatagi’g hustong pagtuon, kun unsay kombate nga kulbahinam sa pagtagbaw sa kalalim tagamtamon.Di kay maniguro la’g iyaha unya ighuman ang paris maminghoy. Kanser kini nga inanay moguba sa maayong relasyon. Angay magkat-on ang lalake isip seks drayber, nga una moarangkada sination una ang paris kun anaa ba sa kondisyon. May kuryente ba kini nga mosugnib og kainit sa pagpaandar sa nindot nga biyahe sa langit.

Aron malampuson ninyo maabot ang katagbawan nga maginaksanay sa kalipay.  Nga molig-on permi ang talikala sa inyong malinawon ug matagbawon nga kinabuhi

Unya tun-i o obserbahe kun unsay mga panahon o oras nga kamong duha komportable nga way makasamok sa pagpokus sa inyong pagseksanay. Usa sa girekomendar sa mga eksperto sa seks, nga kinahanglan alas 10 sa gabii mamahuway nga maghigda na kamo nga sa di pa matulog, mag estoryahay mo’g pagana sa seks. Unya sabotan ninyo nga kamo magseks pero matulog una.

Unya kay di man mahinanok ang utok sa gana sa seks, sayo sa kaadlawon pukawon mo’s naghigwaos nga kahinam. Niining orasa hapsay kaayo ang atong hunahuna nga natingob diha sa gikasabutang pagseks. Moagresibo mong duha sa pagkombate. Kay pulos man kamo gibati’g kulbahinam sa hunahuna pa lang. Inighuman sa bugno sa kama, mora mo’g gikutas nga nahinanok na sa pagtulog.

Aylag kalimot nga sa higayon sa inyong pagseksanay, ang parayganay mas taas og oras ang magamit aron takdoon madungan ang biga ug uwag nga makadiyot lang mapagawas ang kinalaliman likido nga mopahupay sa kapungot.