Ang colostrum

Gatas kini sa usa ka inahan, nga human manganak (tawo o mananap), ang unang tulo ka adlaw nga gatas ginganlan ni og free-milk o colostrum. Magsilbi kini nga unang natural vaccine o bakuna, aron sa pagpalig-on sa sistima sa imyun sa masuso. Ang ika-upat nga adlaw mao na ang regular nga gatas, aron sab magsilbing pagkaon sa masuso aron mohimsog ang lawas sa iyang pagtubo.

Ang inahan sagad lig-on og imyun (immune system) kay samtang nagkugos kining nagpasuso sa anak, kun may motapot nga bacteria o virus sa bata, mobalhin nga mopilit kini sa lawas sa inahan. Ang sistima nganong na ingon ani, tungod kay ang tinubdan sa gatas nga nakapahimsog sa bata gikan man sa iyang inahan. Mas protektado ang bata kun pinasuso gayud sa gatas sa inahan.

Adunay pipila nga sa pagpanganak wa gyu’y gatas ang inahan nga ikapasuso. Hinuon may daghan nang alternatibong gatas nga anaa na sa merkado, nga gikan sa baka nga gipulbos nga may lainlaing pormula nga gipahaum segun sa panglawas sa bata. Karon duna nay mga powdered milk nga gisambogan o ‘fortified/blended’ og daghang bitamina, minerales, probiotics ug colostrum.

Ang colostrum gihimo na pod nga druga o food supplement nga pinulbos, capsula ug tabletas. Sagad gigamit ni sa mga atleta para taas sila’g stamina o lahutay. Ang uban para mawala o mahilis ang tambok o para maundanon ang lawas. Sa world Olympics wa man sad kini i-ban. Apan di mo angay magpataka’g gamit ini, mas maayo magpakunsolta sa doctor. Basig di nimo epekto kanimo kay daghan kini’g ngalan ang colostrum o brand nga dili managsama ang ilang mga pormularyo.

Sagad sa produkto nga colostrum, giproseso kining gikan sa baka (bovine). Susiha diin ni giprodyus kay adunay mga nasud nga dili strikto sa pagpataas sa kalidad sa colostrum. Usahay tungod sa interes sa negosyo, masakripisyo na lang ang kalidad. Sa pagkakaron, angay kitang magmatngon kay may klase kini nga maisip nga sentikong droga ug mga natural nga food supplements.

Ang colostrum karon puwede na isuplemento nga way gipili nga pangedaron. Ang dakong benepisyo ini mao ang pagmintin sa sistima sa imyun nga kanunay lig-on, aron adunay ikasukol sa mga bacteria o virus, nga modaut sa panglawas.