EDITORIAL - Ilegal parking wa matagad
Sagad sa mga opisyal sa kabarangayan wala magpakabana sa gihimo’ng pag-abuso sa ubang tag-iya og mga sakyanan nga ang daplin sa karsada gihimo nila’ng grahe panahon sa gabii ngadto na sa buntag.
Bugtong si San Roque (Ciudad) Barangay Kapitan Lediore “Boy†Miranda mao ra ang kusog kaayo nga nagbagolbol kabahin sa pag-abuso sa iya’ng mga molupyo nga may sakyanan.
Apan nakalimot tingali si Miranda nga ang paborito niya nga mayor maoy nagpahunong sa pagpangguroy sa mga sakyanan nga gipataka lang pag-parking daplin sa karsada.
Kaniadto sa termino ni kanhi Mayor Tomas Osmeña mahadlokon ang mga tag-iya og sakyanan nga magpataka og parking sa ilang sakyanan daplin sa karsada kay sigurado man kini nga guyoron sa mga “tow truck.â€
Pagbanos ni Mayor Michael Rama sa pagdumala sa dakbayan, gihunong na ang pagpangguyod sa mga sakyanan nga anaa sa daplin sa karsada gi-parking.
Ang CITOM adunay “tow trucks†apan dili hinuon maka-ato pagguyod sa mga sakyanan sa abusado nga motorista. Apan bisan pa og makaguyod lang sila og 20 ka sakyanan sa usa ka gabii, sigurado nga mangahadlok na ang mga abusado.
Anhi dinhi’ng bahina nga ato’ng masukod ang “political will†sa administrasyon ni Mayor Rama. Kahadlokan ba nato nga masuko ang mga botante o malikayan nga mababagan ang mga trak sa bombero kun may sunog?
- Latest
