Doktor ug dentist Temang Nalambigit Niini: Pagkatigulang, Maayong Panglawas

Ang usa sa mga sayon nga paagi sa paghubad sa damgo ang magsukad usab kun unsang matanga sa propesyon ang nahuptan sa tawo nga atong nahimamat diha sa kalibutan sa atong mga damgo. Kun diha sa imong damgo imong gikahibalag ang usa ka doctor nga nihatag sa iyang resita ug mga tambag kalabot sa imong panglawas, mahimong ang imong unconscious ang naghatag kanimo og pahimangno sa imong mga kabalaka mahitungod sa maayong panglawas. Ang imong waking life tingali ang nahimong stressful kaayo nga tungod niini, nihimo sa iyang reaksiyon ang imong lawas. Sa laing bahin ang ngipon ug ang hulagway sa usa ka dentista diha sa imong damgo mao ang konkretong timailhan sa imong mga kabalaka mahitungod sa katigulangon. Kuyog niini ang kahadlok nga mausab ang imong bayhon sa pagligid na sa mga katuigan.