Pamalandong Matag Domingo Marso 16, 2014: Ikaduhang Domingo sa Kwaresma Mga Pagbasa: Gen. 12;1-4a/Sal. 33/2 Tim. 1;8b-10/Mk. 17;1-9
Kahinumdoman niadtong bata pa ako hilig kaayo ko motan-aw sa series nga X-Men kini human sa Teenage Mutant Ninja Turtle diin kaming mga kabataan ang magyampungad sa gawas sa balay sa among silingan samtang among sud-ongon sa bintana ang gamay nga black and white T.V. Ug kun magsaba ang mga bata sirad-an dayon ang bintana. Sa maong kasinatian dili gyud nako hikalimtan si Morph. Aduna siya’y gahum sa pag-usab sa iyang bayhon. Husto sa iyang ngalan nga Morph nga dako kaayo og kalambigitan sa pulong METAMORPHOSIS. Ang proseso diin ang atong Ginoong Jesu-Kristo ang nakasinati usab. Sa maong kasinatian nahipatik kining mga simbolismo:
1. Ang pagtungha nila Moises ug Elias- timaan nga ang atong Ginoong Jesus mao ang katumanan sa Balaud (Moises) ug sa panagna sa mga Propeta (Elias).
2. Panganod ug Tingog- Ang maong kasinatian adunay pag-uyon ug pagdason sa Dios Amahan: “Kini ang pinangga kong anak!â€
3. KAHAYAG-/HIMAYA- Ang matawag natong pagpadayag sa pagadangatan nga kahimayaan diha sa konteksto sa kasakitan.
Diha sa atong kinabuhing Kristohanon, matag adlaw kahigayonan sa metamorphosis kon kausaban. Kuyog sa maong lihok sa Dios alang sa matag usa kanato mao ang ato untang kamadasigon ug kaabli nga mosinati sa dalan sa kalbaryo ug sakripisyo diha sa atong kinabuhi. Kini tungod kay dili man nato mahawa ang atong pagsabot sa kabanhawan kun wala ang Domingo sa Pag-Antus.