Pinasikad sa 2013 Anti-Red Tape Act, ang Civil Service Commission mipahigayon og nasudnong survey sa 41 nga mga frontliners nga nasudnong buhatan - pagsuta sa performance sa maong mga buhatan bahin sa ilang pag-implementar sa maong balaud.
Kay sa atong nasayran grabe kaayo ang red tape, ang kuskos balungos sa mga buhatan sa gobyerno sa atong pag-transact og business uban kanila. Mo-apply ka’g business permit, bisan unsa ka gamay sa imong negosyo, daghan kaayong lamesa ang kinahanglan imong duolon kay daghan kaayo ang gi-require nga mga pirma. Pabalik-balikon ka’g kadaghan.
Hinumdom ko … usa sa akong mga brothers-in-law, sa nag-export pa siya, mi-apply og business permit sa Amerika, kay usa sa iyang igsoon American citizen na man. Waa kaabot og usa ka adlaw, naisyohan siya’g business permit.
Dinhi sa ato, unsa man?
Sa resulta sa survey, gi-gradohan ang mga respondents sa pagka-FAIL, ACCEPTABLE, GOOD, EXCELLENT, ug OUTSTANDING. Lima ang na-fail dinhi sa Sugbo, duha nga ania magbasi sa dakbayan, usa sa Toledo City, usa sa Mandaue City, ug usa sa lalawigan.
Di na lang nato nganlan ang maong mga buhatan, kay napatik man kini sa nasudnong mantalalaan. Pipila sa mga counterpart ning maong mga buhatan nahimutang sa Mindanao ug ubang dapit gawas sa region 7, nahitali sa pagka-outstanding.
Sa pagka-“Acceptableâ€, sa ato pa, arang-arang na lang, di kaayo grabe ang red tape, usa ra ang nahitali, at least nakapasar … ang Food and Drug Administration regional office. Pagka-“Good,†ania: mga regional offices sa Cooperative Development Authority, Commission on Higher Education, Development Bank of the Philippines, Land Bank of the Philippines.
Land Transportation Franchising and Regulatory Board, National Food Authority, National Statistics Office karon Philippine Statistics Authority na, Overseas Workers Welfare Administration, Public Attorney’s Office, Securities and Exchange Commission, ug mga buhatan sa Land Bank of the Philippines – Lapu-Lapu City, Land Registration Administration – Lapu-Lapu City, ug Land Transportation Office – Lapu-Lapu City.
Pagka-“Excellent,†wala sa dakbayan ug lalawigan sa Sugbo, lupig ta sa Department of Trade and Industry sa Dumaguete City, Government Service Insurance System – Tagbilaran City, Land Bank of the Philippines – Siquijor, lagmit sa Larena, ug Public Attorney’s Office – Tagbilaran City.
“Outstanding,†sa atong giingon, usa ra … ang CENRO – Cebu City. Ngiga no, ingon sila niini ka efficient ug pagka-maalagaron sa publiko? Kun ma-outstanding ang tanang buhatan sa gobyerno … ma-local o ma-national, pagkanindot kaha puy-an sa Pilipinas no? Bisag ma-“excellent’ na lang unta.
Labi na’g mapitol ang corruption, smuggling, ug tax evasion. Unya, kitang tanan di na gyud magpapalit panahon sa eleksiyon, ug mosubay na sa daang matuwid, kahayahay na unta sa Pinoy. Unsa, nagduhiraw ang akong pangandoy ug nagdamgo sa usa ka impossible dream?