Si Misao Okawa, taga Tokyo, giabibahan sa mga sakop sa media adtong miaging adlaw. Ang rason: Miabot ang iyang pangidaron og 116 ka tuig na. Natural usa ka hitabo nga tukbon gyud sa media. Dili kada adlaw makasugat ang media people ug babayeng 116 years old.
* * *
Kasagaran sa mga babaye moungot sa 40 inig padung na sa 50. This suma sa usa nato ka bilyakong kauban sa media nga mipanaw na.
* * *
Si Manang Misao Okawa gibisitahan og mga sakop sa media sa iyang gipuy-an sud na sa 18 ka tuig. Kini mao ang Kurenai Retirement Home sa Tokyo.
* * *
Gisukitsukit sa iyang personal nga kinabuhi. Ang kasagarang ipangutana gyud ngadto sa mga gatuson nang mga tawo mao ang sekreto sa ilang longevity labi na bahin sa ilang pagkaon.
* * *
Matud ni Manang Misao. Wa siyay pugong pugong sa kaon. “She eats three large meals a day,†suma pa sa balita nga napatik kagahapon sa PhilSTAR. Unya matug siya walo ka oras kada adlaw.
* * *
Ang health regimen ni Misao Okawa kontra sa regimen nga gipasunod sa mga slimming clinics sa ilang mga kliyente nga naninguhang makaangkon og body beautiful o ang gitawag nga coca-cola body.
* * *
OK ra na nga health regimen apan huwaton ta kun makalahutay og abot sa 100 kadtong nagpugong-pugong sa ilang kaon. Hehehe.
* * *
SA LAING BAHIN ... Duna sad tay nailhan hapit na sad mo-100 ang edad kinsa katulo mokaon og regular meals plus snacks sa early evening ug snacks na sad sa midnight. Healthy. Gi-target ang P100,000 award alang sa atong mga tiguwang .... Daghang salamat sa Banat News readers diha sa may Cebu Central Post Office ug mga kasikbit nga dapit.