Bitin vs. buaya
Kun mag-away ang bitin ug buaya, kinsa kaha sa inyong tagna ang modaug? Unsa may dag-an sa bitin sa buaya?
* * *
“Ayaw i-underestimate ang bitin,†matud ni Noy Temiong. Makamao kuno kini mobalikus. Gani sa ilang pagkombati sa buaya didto sa Australia iyang gibaliksan ang kontra ug unsay nahitabo? Wa makaginhawa si Buaya, nangluya ug dayon gilamoy ni bitin.
* * *
Suma pa sa balita sa Agence France Presse nga napatik sa PhilSTAR, March 4/14, daghan nakasaksi sa kombati tali sa bitin ug buaya. Ug ang maong mga saksi nahingangha, misigang mga mata, dihang gilamoy ang buaya.
* * *
Kun sa boksing pa, ang tale of the tape mao ni: 10 feet ang bitin samtang three feet ang buaya. Matud pa sa mga nakakita sa away, medyo lupig ang buaya kay dali rang gikapoy. Dihang mipahuway, gitukob ug gilamoy dayon sa bitin.
* * *
Matud pa sa mga nakakita sa hitabo, naghulma pa ang sungo ug mga tiil sa buaya sud sa tiyan sa bitin kinsa nagpanilap pa tungod sa kabusog ug tingali tungod ba nga gilamian.
* * *
Kining kombati tali sa bitin ug buaya nahitabo sa may Lake Moondarra, Queensland, Australia. Gitaho sa Agence France Presse ug gipatik sa PhilSTAR kagahapon, Martes, Marso 4/14.
* * *
SA LAING BAHIN ... Magpasalamat kita sa mga newsdealers dinhi sa Sugbo ug sa dakbayan sa Ormoc, diin nagsugod na pagbangon ang maong siyudad...
- Latest
