Mr. Barangay

BRGY PAJO, DAAN BANTAYAN, CEBU

“Amo lang ipahibawo nimo sir Jun nga kaming taga sitio Lubi wala pa gyud kadawat og hinabang nga mga housing materials labi na sa sin pero ubang mga sitio nakadawat na man luoy kaayo mi diri kay mainitan ug uwanan kay wala pay mga balay.”

BRGY TAYTAY, DANAO CITY

“Mangayo unta mi’g tabang Sir kay naa mi daplin sapa puyo kay wala mi laing kapuy-an pero naguba pa gyud unya gipasaligan ming tabangan sa among kapitan pero hangtod karon wala man gyud mi nadawat nga hinabang bisan pang balay lang unta.”

BRGY GAIRAN, BOGO CITY

“Naunsa man ning among kapitan wala man sa iyang opisina kun mangayo mi’g barangay clearance kay adto ra sa iyang balay pero ini’g adto namo wala sab siya ambot kun asa na siya pangitaon nga unta gipili man siya sa mga kaso.”

BRGY DAMOLOG, SOGOD, CEBU

“Naghitak na gyud maayo ang shabu kay sulod gawas na man ang mga tawo diri labi na ning atbang sa vulcanizing duol ra gyod sa barangay hall unya ang nakapait among nahibaw-an nga polis ra daw ang nangulo ani "

BRGY MACTAN, LAPULAPU CITY

“Naghitak na gyud ang namaligya’g shabu diri show ra kaayo ang pagpamaligya wa nay kahadlok mura’g naay nagpaluyo ani, mas maayong taga NBI7 ang parondahon ani kay wala na mi salig sa mga polis”

BRGY LANGUB, STA FE, CEBU

“Palihog intawon mi’g pasusi aning laffa association sa Kinatarcan kay sige ma’g pangolekta og 100pesos kay membership kuno unya 10pesos kada buwan kada usa ka tawo, ang nakaapan kay wala may gipakitang resibo nga gipakita.”

BRGY KANGKAIBE, BANTAYAN, CEBU

“Moreklamo lang mi bahin sa piggery ngari tupad sa amoa grabe na gyod kabaho daghan gud mga bata nga nasakit tungod ani maayo unta matagad dayon kini sa munisipyo o sa mga opisyal sa barangay.”

BRGY OBOOB, BANTAYAN, CEBU

“Naay mga tawo nang recruit diri pagtanom og kamote pero naa may pangayoon nga registration fee nga usa ka libo ka pesos para daw uniform ug ID ug health certificate kay gikan daw ni sa gawas sa nasud nga cash for work program tinood kaha ni?”

BRGY POBLACION, MADRIDEJOS, CEBU

“Naunsa na man ning mga BH diri nga mao may mag una-una pagkuha sa mga hinabang unya ang mga nalista dili kadawat pero sa mga BH magdinoble nang madawat nga hinabang mga baga gyod og nawong.”

BRGY TAYUD, CONSOLACION, CEBU

“Diri sa eskwelahan dapit atbang sa barangay hall ang karsada nangliki wala gyud ni ayoha maglisod na intawun pag-agi ang mga motorista labi na kun buntag trapik na kaayo.”

BRGY KALUNASAN, CEBU CITY

“Sa Lower Camparang sige lang tawon mi way agas sa tubig taudtaud na gyod ni walay kaligo ang mga estudyante, hinaut unta nga matagad ning problemaha sa among kapitan diri.”

Alang sa inyong mga reklamo text lang sa 09071678643