Minilyon nga ganti

Usa ka datu nga property developer sa Hong Kong naninguhang makabana ang iyang tomboy nga anak ug mitanyag siya og reward nga HK$500 million (US$65 million) ngadto sa lalaki nga makakonbensir sa mao niyang anak nga makigminyo kaniya (sa lalaki).

* * *

Giila ang maong datu nga HK tycoon nga si Cecil Chao, 77 anyos, ug ang iyang anak nga si Gigi Chao. Ang offer sa amahan midani og 20,000 ka mga lalaki human nabalita ang tanyag sa amahan sa nagkalainlaing mantalaan sa kalibutan.

* * *

Tungod kay wa may nadawat sa 20,000 ka mga kandidato sa gugma ni Gigi Chao, nakahunahuna karon ang amahan nga iyang dublehon ang reward ngadto sa HK$1 billion aron lang gyud nga “someone could capture her heart.”

* * *

Kining balitaa atong gikutlo sa wire report gikan sa Agence France Presse (AFP) kinsa mikutlo usab sa maong balita sa The Edge, usa ka financial publication sa Malaysia.

* * *

Sa pakisusi-susi nga gihimo sa Banat News way klaro kun duna bay Filipino nga naapil sa listahan sa 20,000 ka lalaki nga misuway pagdaug sa kasingkasing ni Gigi Chao ug sa reward nga HK$500 million (nga karon giumentuhan na ngadto sa HK$1 billion).

* * *

SA LAING BAHIN ... Daghang salamat sa mga taga South Cebu nga nagpadayon sa pagsuporta sa Banat News, suma pa sa mga namaligya og mga newspaper sa maong dapit.