Matud pa sa awit: Wala’y bisan kinsa nga mabuhi alang sa kaugalingon lamang. Kabahin kita dili lang sa mga tawo kun dili sa kalikupan ug kinaiyahan gyud mismo. Ang nakapait man gud mao nga diha sa atong panaw sa kinabuhi nahimo kitang mapintason ngadto sa kinaiyahan diin kita kabahin. Ang atong pagdagmal kanila ang nagpasabot usab nga kita mismo ang modagmal sa atong kaugalingon. Angay kitang masayud nga ang kinaiyahan usab ang mamahimong nindot ug konkretong materyal usab sa pag-ampo.
1. Pangita og dapit nga pamati mo mahimo kang duol sa kinaiyahan. Sama sa sapa, dagat, bukid o dili ba kaha lasang.
2. Diha sa kahilom hunahunaa nga uban si Jesus nimo nga nakigkukabildo kanimo sa mas suod nga paagi.
3. Paminawa siya ug himoa nga matagamtam mo ang inyong panagkuyog.