Wala pa ko makakita apan kun tinuod nga gipakuha na ni Mayor Michael Rama ang sementado nga “road separators†taliwala sa General Maxilom Avenue dapit sa Saint Theresa’s College mas labing maayo.
Kun tinuod nga gihimo kini sa mayor saludohan nako siya niini kay pwerteng dugaya na nako nga nagsigi og yawyaw niini. Sa among press conference niadtong miaging adlaw, nagkatawa ang mayor ug giingnan ko nga “Akong gipatangtang aron dili ka na magsige’g reklamo!â€
Ang mao nga sementado nga “road separators†kana ba nga gibutang taliwala sa karsada, mao kana ang makapugong sa mga contingents sa Sinulog Grand Parade nga makasayaw kay apiki man ang lugar.
Aw hinuon, bisan og wala na ang mao nga mga road separators dili man gihapon makakita og nindot nga talan-awon ang anaa sa karsada nga susama sa makita nila didto sa grandstand sa sports center.
Didto sa sports center ang mga dancers mosayaw ug ipakita na ang ilang ritwal aron masabtan kun ngano nga ang ilang grupo pabilin nga miyukbo ni Santo Niño.
Ang mao nga talan-awon dili makita sa street dancing. Akong ipasabot nga lahi ang street dancing kay sa pagsayaw na didto sa stage sa Cebu City Sports Center. Sagdi lang, sa Lunes motan-aw ko sa “repeat performance†sa mga winners na nga pulos mga nindot.
* * *
Ang Globelines dinhi sa Sugbo bati kaayo. Wala’y ayo nga serbisyo. Tiaw mo, naputol ang akong internet connection kaniadto pa’ng Domingo sa lapas udto, hangtud karon wala pa ko’y internet.
Mitawag na ko sa usa nila ka head sa technical department, apan sa gihapon wala g’yud gihapon. Unsa gud tawon mo, usa ka semana na wala pa ninyo maayo?
Unya ra ba kun mangolekta na, kompleto ang inyong ipadala nga billing. Pagbaton ‘sab tawon mo’g kauwaw uy. Sama nako nga sakop sa media, daku kaayo ang epekto sa akong trabaho ang dugay nila nga pag-ayo sa internet connection.
Gitug-anan ko nga gikawat kuno ang ilang kable. Buyno, toohan nato nga gikawat, nganong wala man dayon ninyo pulihi? Mitawag na ko sa ilang opisina sa Manila ug gipasaligan nga hatagan ko nila’g mobile internet gadget.
Maayo man lang mo mangobra sa bayad apan ang serbisyo walay ayo. Mao man bitaw nga daghan sa among mga silingan nga kaniadto Globe subscriber apan gipaputol tungod sa bati nga performance.
Espoko mo’y usa ka semana na? Pagbaton mo’g kauwaw uy!