Kining tipdas usa ka sakit nga kasagaran mahitabo sa panahon nga tingtugnaw.
Ang labing unang mataptan og tipdas mao kadtong mga kabataan nga wa mabakunahi og anti-measles.
Busa sa mga dapit nga gihugpaan ning sakita, angay magbantay ang mga molupyo nga kinaghanglang moduol dayon sa ilang health center ug magpabakuna batok sa tipdas.
Nasayran nga kun usa ka bata sa panimalay ang taptan niini, 90 porsiyento sa iyang taga-panimalay matakdan usab ilabi na sa way bakuna.
Sayon ra ilhon ug mabantayan ang maong sakit kay una sa tanan hilantan ang pasyente unya mogawas ang pino nga manurok sa nawong hangtod sa tibuok lawas. Kun di madali pagkonsulta ngadto sa doktor ug matambalan, may posibilidad nga mamatay kini. Busa gitambag sa mga doktor nga matag panimalay kinahanglang may temperature gauge aron kun hilantan ang bata masuta dayon kun pila nay temperature niini.
Aron nga di makapadayon ang hilabihang kainit sa hilanat, patomaron dayon kini og paracematol ug kun di pa gyud mohuwas kinahanglang dad-on kini sa doktor aron ka-resitahan og tambal.
Ang tipdas ania karon sa nasud busa angay nga magbantay ang matag ginikanan ug kun mahimo pabakunahi dayon ang gagmay nga kabataan aron nga di mataptan niining sakita.