Nagpakauwaw

Matud sa World Bank: “Corruption is ‘Enemy No. 1’ in the Philippines.”

Ang kurapsyon kon pangurakot kuno maoy numero unong kontra sa Pilipinas. Public enemy number one.

* * *

Gikauwaw kini sa mga mabuot nga Pinoy. Apan ang mga kurakot nga nagpakauwaw kanato nagpakahilom lang.

“Ang mga animal,” matud pa ni Noy Temiong, “kanus-a pa kaha kini dutli og kauwaw?”

* * *

Apan gitambagan kini sa iyang kumpare: “Ayaw pag hayblad-hayblad diha ... Ikaw ray alkanse kay ang mga kurakot grabe na kabaga ang mga nawong niana.”

Mipadayon si kumpare: “Bisan gani kining binilyong dolyares nga hinabang gikan sa nagkadaiyang kanasuran gisuway-suwayan na og kurakot.”

* * *

Matud pa sa usa ka langyaw ang Pinas ray Kristiyanos nga nasud sa Asya apan ang Pinas ray bugtong Asyano ang naa sa listahan sa mga kurap nga nasud sa kalibutan.

* * *

Matud pa sa mga mantalaan nagpadayon ang kampanya ni PNoy batok kurapsyon apan wa may klaro ang resulta sa maong kampanya. Duna bay gibitay tungod sa kurapsyon?

Sa China adtong miaging buwan dunay gibitay nga duha ka kurap nga sakop sa kapolisan. Ug didto sa North Korea duna say gi-firing squad tungod sa kurapsyon.

* * *

Matud pa nga Sister Monserat Tinio usa ka charismatic leader: “Haay, Ginoo. Pakit-a na sa imong gahom kining mga kurakot bi.”

* * *

SA LAING BAHIN ... Malipayong Pasko sa atong mga Banat News readers diha sa Basak Mambaling ... Daghang salamat sa inyong nagpadayong suporta sa Banat News.