Ang balatian ingon nga krus gikan sa kahitas-an

Ang balatian ang pagasabton ingon nga Krus gikan sa kahitas-an nga tungod niini ang angayang himuon sa matag Kristiyano mao lamang ang pagdawat niini sanglit mo-epekto man kini  og kaluwasan sa laing kinabuhi. Apan unsaon na lang ang pag-ampo alang sa kaayohan? Ang mga tubag mahimong maglangkob niining mosunod:

1. Ang Dios moayo dili gumikan sa imong mga pag-ampo kun dili sa iyang kaugalingong gahom tungod kay ikaw dili man santos ni balaan.

2. Ang mga pag-antos kun dawaton usa sa mga paagi sa pagbayad sa mga kalapasan sa kanhiay nga pagkinabuhi. Kinahanglan kang mag-antos aron ka masantos.

Ning paagiha, daghan ang nagtuo nga ang si bisan kinsa nga buot nga mamahimong Kristiyano ang kinahanglan gyud mag-antos. Nakalimtan ang mahigugmaong elemento nga nahipatik sa mga higayon nga masinati sa usa ka tawo ang kalingkawasan ug kaayohan gikan sa bisan unsang matang sa kaulipnan. Usa sa mga esena sa salidang Exorcism  of Emily Rose ang nakahatag kaayo nako og pagtagad sa dihang dunay panan-awon si Emily diin nakita niya ang mahal nga Birhen Maria. Sa dihang gihatagan siya og kapilian kun buot ba niyang mobiya sa iyang lawas ug mokuyog aron mabatonan niya ang kahupayan, si Emily ang nipili nga mas palabihon niya ang mag-antos ug magpabilin na lang aron pinaagi sa iyang kahimtang ang ubang mga tawo masayod nga anaa gyud diay ang yawa. Ang mentalidad ang na-impluwensiya sa pagtuo nga ang Kristiyanong kinabuhi, kinabuhi sa pag-antos ug pagsakripisyo.