Gawas sa mga benepisyo nga madawat sa mga empleyado basi sa Labor Code, ang mga employer mamahimo sab nga mohatag kanila og dugang pang benefits. Apan makapugos ba ang empleyado sa pagpaningil sa maong benefits kun siya mi-resign na? Kana nga pangutana ang atong tuki-on karon sa atong column.
Dear Atty. Divine;
Nagtrabaho ko sa usa ka dakong kompaniya apan karong buwana mi-resign ko kay nadawat man ko sa akong giaplayan abroad ug naghuwat na lang ko sa tawag.Upat na ko ka tuig nga nagtrabaho sa maong company. Karong bag-o nakadawat nako sa akong last payment ug sa computation sa akong 13th month pay apan wa man ko hatagiog cash sa akong vacation leave nga wa nako magamit ug sa akong performance bonus nga ang tanang empleyado matag tuig hatagan man og performance bonus sa maong kompaniya. Ang akong pangutana attorney kun dili ba diay obligado ang kompaniya nga mohatag sa monetaryvalue sa akong leave nga wa nakomagamit ug sa akong performance bonus nga karong buwana na man ko mi-resign nga hapit na man matapos ang tuig? Mamahimo ba ko nga maningil sa akong kanhi employer sa maong benepisyo? Daghan salamat sa imong tambag. —Jessie
Dear Jessie,
Kanang 13th month pay gimando gyud na sa atong balaod busa kun ang usa ka empleyado mo-resign sa iyang trabaho bisan kun wa matapos ang tibuok tuig niya pag serbisyo entitled gyud siya sa 13th month pay ug ang amount niini magdepende kun unsang buwana siya mi-resign. Apan kanang vacation leave nga gihatag unta sa kompaniya kanimo apan wa nimo magamit dili kana nimo ma-convert sa cash gawas lang kun mao nay practice sa inyong kompaniya. Ang Article 95 sa atong Labor Code kini nagkanayon nga ang empleyado nga nakaserbisyo na og usa ka tuig entitled siya og service incentive leave nga lima ka adlaw with pay, buot ipasabot nga entitled siya og 5 days nga leave with pay. Ang ubang kompaniya mo-convert sa ilang leave og cash aron pagdasig sa mga empleyado sa pag-report kanunay sa ilang trabaho. Samtang kanang performance bonus, voluntary kana nga ihatag sa usa ka kompaniya kon employer. Buot ipasabot nga dili sab ta makapugos sa kompaniya sa paghatag saperformance bonus sa ilang mga empleyado nga mi-resign kay dili man kana mandated sa balaod. Busa wa kay katungod nga maningil sa imong employer sa monetary value sa imong leave ug sa imong performance bonus kun ang ilang palisiya nagbasi gyud sa tibuok tuig nga pagserbisyo. Daghang Salamat ug God Bless.
Alang sa inyong pangutana, ipadala lang sa Legal Corner sa Banat News sa V. Gullas Street, Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag adlaw’ng Miyerkules ug Domingo