Usa sa mga ahensiya sa kagamhanan nga angay pahalipayan kalabot sa pagpabangon sa naguba nga Leyte mao ang Metropolitan Manila DevelopmentAuthority kon MMDA ubos ni Chairman Francis Tolentino.
Ang MMDA bisan sa ngan lang niini gimugna aron moserbisyo sa Metro Manila diin daghan kining giatubang nga mga problema.
* **
Apan wala i-limit sa MMDA ang ilang serbisyo publiko sa Metro Manila lamang. Si Chairman Tolentino mideploy og dul-an sa 400 ka MMDA personnel sa duha ka dapit sa Leyte (Tacloban ug Tanuan) ug sa Western Samar (Basey).
Ang presensiya sa mga tawo gikan sa MMDA makita sa mga news media lakip na ang TV.
* * *
Sa pagsuwat niini, ang MMDA mireport nga mga 30 porsiyento na nakompleto nila ang clearing operations sa Tacloban diin nasentro ang labing dako nilang trabaho tungod sa mga debris nga mibabag sa kadanan.
* * *
Ug aron mas labing ma-epektibo ang ilang trabaho ug maseguro ang kalampusan sa ilang misyon, ang mga LGU nga nahisakop sa MMDA mipasiugda og “Adopt an LGU Program sa Leyte ug Samar ilabi na sa mga dapit diin grabe kaayo ang kadaut nga nahimo sa super typhoon nga si Yolanda.
* * *
Gawas sa mga service personnel nga gipada sa MMDA sa Leyte ug Samar ang mga siyudad nga sakop sa MMDA mipada og relief supplies ug equipment.
* * *
Si Engr. Romualdo Casipe Jr., usa ka lumad nga Leyteno, misuway og bisita kang MMDA Chairman Tolentino aron magpasalamat apan wala kini sa iyang opisina kay tua sa Tacloban nagdirehir sa operasyon sa MMDA.