Mr. Barangay

BRGY MANTUYONG, MANDAUE CITY

“Ngano man ning among lugar nga wala man gyud ni mahunong ang problema sa illegal nga drugas nganong wala ni atimana sa mga opisyal namo sa barangay naay mga tanod magtan-aw ra man sad sa ilang silingan nga nalambigit sa shabu."

 

BRGY PUNTA ENGANIO, LAPULAPU CITY

“Grabe  naman kaayo ang pamaligyag shabu diri klaro na kaayo kinsay namaligya  pero ngano wala man ni dakpa sa mga polis tungod   ba kay dakog posisyon o nahadlok sila aning mga tawhana.”

 

BRGY ILIHAN, TABOGON, CEBU

“Wala man gyud tawon mi maabtig hinabang diri sir Jun sama sa relief goods nga unta daghan man diri mga biktima sa bagyong Yolanda nga hangtod karun naproblema pa sa pagkaon.”

 

BRGY LIPAYRAN, BANTAYAN, CEBU

“Mangayo unta mig tabang Sir kay akong pamilya wala nay makaon kay wala pami maabtig hinabang diri human sa bagyo nagkaon na lang mig kamotengkahoy diri para dili gyod magutman.”

 

BRGY BITOON, DAANBANTAYAN, CEBU

“Kining among lugar Sir kay bukid ni dapit sa lungsod maong wala gyud mi maabti pag mga hinabang diri nangaon na la’g lubi diri ang mga tawo labi na ang mga bata luoy kaayo ang uban nangasakit na gani mao kinahanglan gyod mig tabang.”

 

BRGY TAPILON, DAANBANTAYAN, CEBU

“Naa may mga hinabang nga nangabot diri sa among lugar pero ang problema kay gipamolitika man, pangutan-on usa ka kun asa ka nagpaluyo sa miaging election kun dili ka supporter sa nanghatag dili ka hatagan.”

 

BRGY TRIUMPO, CARMEN, CEBU

“Sa sitio Tuhob ang karsada tawon pwerte gyod lisora unya kun mag-uwan dangog kaayo daghan mga motor nga matumba wala gyod atimana sa mga opisyales dugay na kaayo ning problemaha.”

 

BRGY TALAMBAN, CEBU CITY

“Sa sitio Cadaohan problema gyod mi computeran kay daghan na mga bata nga sige’g duwa unya kun wala nay kuwarta makat-on nah pangawat nga maoy nakalabad sa among mga ulo diri.”

 

BRGY SOMOSA, TABOGON, CEBU

“Naunsa na lang ni among barangay masulbad pa ba kaha ning mga sugal diri nga mao man gihapon ang midaog nga mga opisyal sa barangay nga wala man gani sila ka sulbad kaniadto.”

 

BRGY WARD4, MINGLANILLA, CEBU

“Ang karsada diri sa Tres de Mayo kay gihimong parkingan sa mga sakyanan adlaw ug gabii usahay pa gani mag double parking pa nga nakahasol kaayo namong mga mag agian diha sa lugar.”

 

BRGY LOOC, MANDAUE CITY

“Hangyo lang ko sa mga polis sa presinto 5 nga ila na unta aksyonan diri duol sa may UCLM kay naay naninda dirig shabu ug marijuana labi na sa sitio Kalubihan magtapok pirme ang mga customer nila.”

Alang sa inyong mga reklamo text lang sa 09071678643