EDITORYAL - Midaug nalipay, pildi hapay

Mao kini  ang  pagya  sa publiko  sa nagsambunot nga  mga  politiko  aron lamang  modaug. May  giingon   nga  pinalitay  sa boto,   mga  panghasi, mga  panghulga , ug may namatay.

Angay  ba  gyud diay  nga  buhisan  og kinabuhi  aron  lang  makalingkod sa katungdanan  ang  mahibilin  nga isog?

Unya  ang  mibuhis  sa iyang  kinabuhi, pagkaanugon nga  wala  siya makasaksi  sa  maanindot  pang  mga  panghitabo  sa atong  palibot.

Hinuon  human  naman  ang  piniliay  ug  nagpaabot pa  ang  uban  nga  sila’y  modaug.

Ang nakapait  sa  mga  politiko  kay  manlimbasog  gyud  nga  modaug  aron  tawgon  siyang  talahuron .

Apan  kasagaran  mosangpot  ra  sa  dakong  kauwawan ilabi  na  kun  sa  iyang  pagtuman  sa katungdanan  sagulan  og  anomalusong  trabaho.

Ang tanan  gusto  og  popularidad, apan  maayo unta  nga  popular  sa pagka-maayong  tawo,  maayo  moduma ug  sa laktud popular  sa pagka-maayong  lider.

Kay  kun  modaug  ka  unya  aduna  kay  attitude problem, aw  mahimong molanat  tingale  ka  og  labing dugay  usa  ka termino.

Kay  sa sunod  higayon  nga  magpapili  ka, di kana  botohan sa  mga  tawong  nasuhito sa  imong  kamaot  og  kinaiya.

Unya  ang  gidamgo  nimo  nga  mahimo  kang  popular , natuman man pero popular  sa  pagka- di  maayong  lider.