Timailhang makaabot ka’g 100

Ang mga pagtuon nga gihimo sa New England Centenarian Study didto sa Boston University School of Medicine, nagpakita nga kada 10,000 ka tawo, usa ang may purohan nga moabot sa edad nga 100, bisan luyo sa ilang dili maayong himsog nga istilo o kinaiya sa kinabuhi, sama anang kulang sa ehersisyo. Kung unsay ilang nakaplagan nga timailhang makaabot ka og 100, mao kini:

(1.) Ang kaliwatan sa ilang mga kaliwatan, nagbaton o dunay tag-as og kinabuhi ang ilang genetic komposisyon sa lawas o mga genes, nga muabot 90.

(2.) Ang paspas nga paglakaw, makapataas sa kinabuhi sumala sa mga nagdukiduki didto sa University of Pittsburg. Ang normal nga kusog sa paglakaw mao ang 3 ka tiil kada segundo (mga 2 kamilya kada oras).

(3.) Mahiligon sa pakighinabi sa mga tawo ug daghan ka og higala

(4.) Kung babaye ka. Niadtong 2010, 80,000 ka US sentenaryans, mga 85% ini mga babaye ug 15% lang ang mga lalake.

(5.) Nanganak ka sa edad 35 o mas gulang pa. Kun labaw pa sa 35 pataas, ang buot ipasabot, dugay kang matiguwang kay himsog pa ang sistima sa reproduksyon mo, bisan pa sa pagkaedaran.

(6.) Magdepende kanus-a ka gipanganak. Kadtong babaye nga gipanganak adtong 2011, may purohan ang 70% mabuhi hangtud 100. Ang sa lalake 60%. Kung babaye kang 20 na ang edad sa 2011, may 26.6% ang may purohan samtang sa lalake 19.5%.

(7.) Alegre ug malipayon ka sa kinabuhi. Hingatawa ug kanunay saya ang dagway, nga dasig sa kalihokan ug manggimbuhaton sa unsa mang okasyon.

(8.) Positibo sa mga panghunahuna o atityud. Way imposible sa solusyon kung may mga kakulian nga mohamag sa kinabuhi. Maisogon nga kalma.

(9.) Nadiskubre sa mga researcher sa Albert Einstein College of Medicine, nga mas motaas ang kinabuhi sa mga tambokon kay sa niwangon o yagpis ang mga panlawas. Apan dili sad kadtong nanubra sa katambok o obese.

(10.) Mahilig sa pagkaon nga may nutreyens nga omega-3 fatty acids. Dili manigarilyo ug dili sad permi nanubra sa kahago sa lawas ug utok o stress.

Apan bisan pa ning tanan, ang hustong nutrisyon maka pataas pud sa edad.