Gimingaw ang publiko sa gisundan unta sa taga media nga imbistigasyon sa kaso ni Janet Lim Napoles kinsa giingon nilang utok sa P10 billion pork barrel fund scam.
Kini taliwala sa nagkalainlaing katalagman nga mihamok sa nasud, mga kalamidad nga mugna sa kinaiyahan ug mugna sa tawo.
Ang mugna sa kinaiyahan mao ang bagyo, baha, panahili sa yuta ug linog.
Samtang ang mugna sa tawo mao ang gubat ug rebelyon, nga kining tanan misiaw samtang giatubang sa mga magbabalaod ang krisis politikanhon sa nasud.
Busa tungod kay gagmay na lang ang mga pahina sa news bahin ni Napoles ug mga magbabalaod nga iyang kauban, daghan nang nangutana ug nangumusta sa iyang mga kaso.
Kay ngano may purohan ba nga malimtan sa katawhan ug taga media ang maong kaso tungod lang sa mga nagkalainlaing hitabo nga mitabon sa maong isyu?
Di baya tingale kay di lamang mga de prinsipyo nga matang sa tawo ang naglagot sa mga binuang sa salapi sa kagamhanan kundi bisan ang taga media mismo.
Ang mga sakop sa media dako kaayo og papel sa pagbantay sa mga lihok sa mga tawong mahilabtanon sa panalapi sa nasud.
Busa way mga katalagman nga mugna sa kinaiyahan ug sa tawo nga makapawagtang sa maong isyu. Wa usay gahum ang husgado sa pagtabon sa maong isyu.