Ang mga tawo sa among barangay mora’g wa na kaayo’y interes sa mga balita kabahin sa bagyo. Ang balita na lang bahin sa linog ang giinteresan.
* * *
Mga silingan namo maoy gibantayan kanunay ang aftershocks human sa 7.2 magnitude nga linog nga ilang, kun among, nasinatian adtong miaging Martes.
* * *
Hastang mga bata manyagit kun ilang mabatyagan ang uyog ug lihero na gani mohatag og gikusgon ang matag aftershock nga ilang mamatikdan. Kagahapon dihay medyo kusog nga aftershock gihatagan dayon og “grado†sa mga bata.
* * *
Matud ni Eboy, mamaligya’g utanon: “Katong uyoga, numero singko kato.â€
Gilalis kini ni Undo Pikot, mamumunit og dahong laya: “Dili oy, mga numero tres ra to kay wa gani makapatabyog sa nagbitay nga bunga sa buongon sa may atop namo.
* * *
Sa laing bahin...Ang mga istambay nga watch-your-car-boys sa may Ramos kusog kaayo manyagit “Uyog†inigka-feel nila’g aftershock. Dili sila mosinggit og linog kun gamay ra ang uyog nga ilang mamatngonan. Dili kuno sila mosinggit og linog kay basi’g dakpon kuno sila sama atong nagsinggit og tsunami. Busa “Uyog!†na lang.
Ang The Freeman Foundation modawat og mga hinabang alang sa mga biktima sa linog didto sa Bohol. Ang mga hinabang nga in-kind dawaton sa The Freeman Foundation diha sa PhilStar bldg., D. Jakosalem corner V. Gullas Sts.