EDITORYAL - Way kabalak-an ang mga simbahan sa Katoliko

Sa mga tinuod nga magsisimba  sa Dios, dako kaayo ang  kabalaka  kun  mabalda ang schedule  sa pagsimba kay way  kasimbahan  gumikan  kay  nagupok  sa katalagman.

Ang tinuod nga magsisimba  mangita  og  paagi  nga  makatuman sa iyang obligasyon  ngadto  sa iyang  magbubuhat nga mao  ang  Dios.

May  mga  katalagman  man  o  maayo  ang panahon,  ang  Dios  nagpaabot  sa mga tinuod  nga  magsisimba Kaniya base  sa  mga  panahon  nga gitakda  niini  sa mga  pagsimba  ngadto  Kaniya.

Ang  mga  tinuod  nga magsisimba, may  dapit  nga  gigahin  siya  alang  sa maong  pagsimba  nga  mao  ang simbahan  o  Kapilya.

Busa  kun  nagusbat  man  ang  maong  simbahan  o  kapilya  gumikan sa linog,  mangita  kini  og  paagi  nga  ikapaayo dayon ang  maong  simbahan  aron  ang  mga  magsisimba  di  mabalda  sa ilang  responsibilidad  ngadto sa ilang  Dios.

Sa milabay  nga  linog, kapin sa 10 ka  mga  simbahan  sa Katoliko  ang  nagupok, busa  di  makagasto niini  ang  goberno  tungod  sa balaod  nga  mao  ang  pagbuwag  sa simbahan ug  kagamhanan.

Ang may tulubagon  sa pagpahiuli  ug  pagpabalik  sa  mga  nagusbat  nga  mga  simbahan way  lain kundi  ang  mga  tinuod  nga  magsisimba. Sa Iglesia ni  Cristo, gisugdan dayon og ayo  ang  naputol  nga tower niini apan wa madisturbo ang  ilang  pagsimba .

 

Show comments