Mga paagi sa paggiya aron mahalikay ang batan-on sa bisan unsang adiksiyon

1.Pag-umol og usa ka positibong panlantaw

Tungod kay ang usa ka tawo nahimong taas og kaalinggat kon consciousness sa iyang sakit nga kasinatian mao nga mangita siya’g paagi aron mahikalimot sa maong kahimtang bisan sa daklit lamang.

Ang uban moinum samtang ang uban mag-drugas uban sa mga tawo nga nakahatag kanila kuno og seguridad ingon man pagdawat. Atong nahisgotan kanhi nga ang batan-on dili gyud particular sa drugas.

Particular sila sa mga kaubanan nga nidawat kaniya nga tiggamitan og drugas. Aron siya madawat mao nga siya magdrugas.  Mao nga kabahin sa pag-umol sa personalidad sa bata mao ang pagtanom og positibong panlantaw sa kaugalingon. Kay ang panlantaw nato sa atong tagsa-tagsa ka mga kaugalingon mao man ang atong sumbanan sa panlantaw ngadto sa uban ug sa katilingban diin kita sakop.