Panginahanglan ug katungod sa matag ginikanan

6.Matag ginikanan adunay katungod nga manginlabot sa bisti nga sul-obon sa ilang mga anak.

Anaa gyud ang moda ug urog sa bisti nga sul-obon sa matag tinedyer.

Tumong niini aron makasinati sila og pagdawat sa ilang isigka-tinedyer. Dili sila pugngan niini sanglit mawala ra man kini sa kadugayan. Apan dunay mga higayon nga ang mga tinedyer ang mobiya sa bisan unsang madawat ug haom sa panlantaw sa kinabag-an.

Dunay mga pamiste nga magdala og kakuyaw labina sa mga kababayen-an. Ang mga provocative ug mga suggestive nga sinul-oban sa kababayen-ang tinedyer ang usahay magdala og peligro sanglit makadani sila sa hugaw nang daan nga kaisipan ug pagbati nga mohimo og krimen sama sa lugos ug pamastos.