Negatibong epekto sa rebelyon

Kun ang rebelyon sa usa ka batan-on mao ang pagpakita sa iyang individuality usahay ang maong pagpakita ang molagpas na pud sa boundary line. Kini tungod kay ang mga batan-on ang mopakita sa ilang kaugalingong taras ug batasan.

Usa sa mga timailhan sa abnormal nga rebelyon mao kining pagsupak sa balaud sa walay igong hinungdan o bug-at nga rason. Ang uban pa gani ang mohimo og mas grabe pa labi na diha sa pagdaut sa mga butang o kabtangan sa ubang mga tawo apil na niini ang pagpangawat. Mao nga dili ikalimod nga ang ubang mga ginikanan ug mga hamtong ang mo-label dayon sa bata ingon nga usa ka pasaway ug buloyagon.

Ang praktikal nga tambag ni Nancy Van Pelt mao nga kun ang bata o batan-on padayon sa maong pagpabuyag mas doblehon usab sa mga ginikanan ang pagpakita sa ilang welcoming spirit. Ning paagiha nahimong tinuod ang prinsipyo: “You can only conquer evil by good.”