Mamahimo bang pugson ang empleyado sa pag-over time?

Walo ka oras lang matag adlaw ang normal nga oras sa pagtrabaho sa usa ka empliyado. Busa kon mosobra sa walo ka oras ang iyang trabaho sud sa usa ka adlaw, obligado gyud ang kompaniya sa pagbayad og overtime pay. Apan kon ang employer mo require sa empliyado sa pag-overtime, mapugos ba ang trabahante sa paghimo niini? Kana nga pangutana ang atong tubagon karon sa atong column.

Dear Atty. Divine,

Anaa ko magtrabaho sa usa ka dako nga kompaniya. Mag two (2) years na ko nga nagtrabaho niini. Nagkaproblema og lately kay ang among supervisor mimando kanamo sa pag-overtime sud sa usa ka semana. Mibalibad unta ko kay ang akong anak gihilantan apan wa gyud siya mosugot og iyang gicompulsory ang among pag-overtime. Ang akong pangutana attorney kon makapugos ba diay kanamo ang among employer sa pag-overtime? Di ba na kalapasan na sa among katungod kon kami pugson sa pag-overtime? Hinaut nga imong matubag ang akong pangutana.

—Leny

 Dear Leny,

Ubos sa atong balaod sa Labor Code, adunay mga higayon nga ang employer mo-require sa ilang mga empleyado sa pagpa-overtime. Kini bisan pa kun ang normal nato nga oras sa pagtrabaho walo ka oras ra gyud unta basi sa Article 83 sa atong Labor Code. Ang Article 89 sa atong Labor Code maoy naglatid sa mga higayon nga mamahimo tang i-require sa employer sa pag-overtime ug kini nunot ning mosunod:

“Article 89. EMERGENCY OVERTIME WORK. – Any employee may be required by the employer to perform overtime work in any of the following cases:

a. When the country is at war or when any other national or local emergency has been declared by the National Assembly or the Chief Executive;

b. When it is necessary to prevent loss of life or property or in case of imminent danger to public safety due to an actual or impending emergency in the locality caused by serious accidents, fire, flood, typhoon, earthquake, epidemic or other disaster or calamity;

c. When there is urgent work to be performed on machines, installations, or equipment, in order to avoid serious loss or damage to the employer or some other cause of similar nature;

d. When the work is necessary to prevent loss or damage to perishable goods; and

e. Where the completion or continuation of the work started before the eight hour is necessary to prevent serious obstruction or prejudice to the business or operations of the employer.

Sa ato pa, kun ang rason sa pagpa-overtime sa empleyado basi sa mga instances nga gilatid sa Article 89 sa atong balaod hayan di gyud ta makabalibad niini. Sa imo nga kaso, possible nga adunay dinalian nga trabaho ang inyong kompaniya hinungdan nga kamo gipa-overtime. Apan kun balido sab ang imong rason kun nganong dili ka maka-overtime, mamahimong makig-estorya ka sa inyong HR Department o Supervisor labot sa imong sitwasyon aron di ka pugson kanila sa pag-overtime. Normal gyud na sa trabaho nga usahay kinahanglan ka nga mag-overtime. Way mamahimong kalapasan ang employer niini kun siya mobayad lang sa iyang mga empleyado sa overtime pay matag oras plus additional 25% pa gyud. Hinaut nga akong natubag ang imong pangutana. Daghang Salamat and God Bless. —Atty. Divine

Alang sa inyong mga pangutana, ipadala lang ang inyong suwat sa Legal Corner sa Banat News sa V. Gullas Street, Cebu City or email sa [email protected]. ug akong tubagon ang inyong pangutana pinaagi sa akong column matag adlaw’ng Miyerkules ug Domingo.