Mao ni ang depekto sa COA … dili sila makadiskobre sa mga kalapasan ug anomaliya sa gobiyerno samtang sayo pa. Sagad mahitabo, dinagko na ang mga kalapasan sama niining nahitabo sa pork barrel scam.
Dugay na man diay kining nahitabo, apan, nganong ila mang gipaabot nga mo-grabe ang mga kalapasan una nila ibutyag sa maong anomaliya? Sa pipila pa ka-libo ka pesos, o usa ka milyon nga scam, ila na unta kining gi-expose ug giimbistigar, dili unta kini muabot og 10 bilyones ka pesos. Ug lagmit, dili pa daghang senador ug kongresista ang na-involved. Ambut nganong ila gyung gipaabot og 10 bilyones ka pesos.
Mao usab kini ang sagad nahitabo sa uban nilang mga imbestigasyon. Kasagaran, mag-involved na og mga dagkung kantidad. Dili diay sila makadiskubre sa mga gagmay’ng anomaliya?
Ang corruption, regardless sa kantidad nga ma-involved, ma-100 pesos o ma-P10 bilyones, corruption lang gyud gihapon. Ambut ngano nga di man kadiskubre ang COA sa usa pa unta to ka gatus ka pesos ang nakawat, maghuwat man nga ma muabot og P10 bilyones?
Utro sad ning atong mga magbabalaud, dili makaalagad sa lungsod, kun walay pork barrel. Dili makapatunhay sa ilang katungdanan pagpanday og mga balaud, kun walay pork barrel.
Diha gani panahon diin pipila ka magbabalaud mireklamo nganong nadugay ang pag-release sa ilang pork barrel. Pastilan, unsa may labut sa pork barrel ug sa ila untang paggama’g balaud?
Gumikan ini, si Federico Pascual sa Philippine Star mipahinumdom sa halangdon natong mga magbabalaud sa ilang mga katungdanan: “Somebody should remind senators and congressmen that their job is lawmaking, not working on contracts and overseeing public works. This is an Executive function. Estimates have placed at an average of 30 percent the slice that graft-oriented legislators bite off their pork as they dictate projects and pick favored contractors.â€
Tinuod, lawmaking ang ilang trabaho. Mao kini ang hinungdan ngano nga ato silang gibutang diha sa Kongreso … dili aron pagpatuman sa gimbuhaton sa DPWH o sa department of health … dili ang pagpapirma og mga kontrata ug pagpahigayon og mga public works projects. Ila kini sa executive department.
Unya, mga 30 porsiyento kuno sa salapi sa lungsod ginganlan og pork barrel ang makaon o kumbirahan sa mga “graft-oriented†nga mga magbabalaud. Ngiga no, kun tinuod man! Of course, duna say dili graft-oriented nga mga magbabalaud. Kinsa man ni sila?
Nangutana si Pascual nga kun maka-give up si Senador Ping Lacson sa iyang pork, nganong dili man kini mahimo sa ubang mga senador ug kongresista, aron ang salapi idiritso og hapak sa bisan unsa mga proyekto, sama sa pagtukod og mga hospital, kadalanan ug mga classrooms. Nganong ipaagi man gyud sa mga magbabalaud?
Suma sa ato nang gihisgutan dinhi, si Naoto Kan, Prime Minister sa Japan, gumikan sa krisis nga mihapak sa ilang nasud, wala na modawat og sweldo balig $20,000 matag bulan … kini, hangtud sa paglabay sa krisis.
Ingon man, ang presidente ug ubang opisyales sa TEPCO (Tokyo Electric Power Company), ang operator sa mga nuclear plant nga mibuto, mi-hold usab sa ilang mga sweldo hangtud nga maulian ang Japan sa ilang kahimtang.
Similarly, samtang wala kita linoga ug wala tsumaniha, apan ang atong nasud dugay nang nag-krisis. Dili ba sila maka-give up sa pork barrel, temporarily, aron ang salapi magamit sa mga anti-poverty ug anti-kagutom program sa atong gobyerno? Then, concentrate sila pagpanday og mga balaud.
Bida sad no, taliwala sa atong kawad-on ug kagutom, naka-afford kita pagwaldas og 10 bilyones ka pesos?