Dili lang espirituhanong pagtulon-an ang ikatudlo sa atong ebanghelyo karong Domingoha. Praktikal usab kini nga pahimangno nga kinahanglanon diay usab ang sentido komon diha sa atong pagkamasinugtanon sa atong labaw. Kun maghisgot kita og sentido komon, nagpasabot kini og praktikal nga panghukom sa mga panghitabo ug mga buhat nga angayan natong pagahimuon. Kuyog niini ang pagkahimong smart kon Specific, Measurable, Attainable, Realistic, Time-bound nga mga buhat. Nga sa ato pa, anaa ang foresight ug anticipation.
Tinuod diha sa kinabuhi natong mga tawo, anaa kanunay ang pagsalig nga dugay pa kaayo ang adlaw sa panghukom nga tungod niini kita nahimong mapasagaron diha sa atong mga binuhatan. Ang uban kanato sige lang og karon, inom, panlupig, pahayahay. Wala nato ibutang sa atong hunahuna ug kasingkasing nga ang kamatayon diay daw sama sa usa ka kilat nga mokalit og sakmit sa atong hinulmang kinabuhi. Dili kini pangutana kun duol o halayo pa ba ang adlaw sa panghukom. Pangutana kini kun kita ba mismo ang nahimong magmaigmaton. Atong hatagan og gibug-aton ang giingon sa panultihon: “Let us live our heaven by doing good here on earth!†Mao kini ang kahulogan sa pagpaabot sa atong Ginoo uban ang sentido komon.