Gipalambo ang pagpananom sa tugkaran
Ang mga hunahuna nga gipadayag dinhi iya ra sa tagsulat ug walay labot ang Banat News ug mga sakop niini.
Gisaulog sa mga lokal nga kagamhanan ang 39th Nutrition Month nga nagsugod sa Hulyo 1 ug gitapos sa Hulyo 31 niining tuiga pinaagi sa paghatag og pasidungog sa gipasiugdahang indigay sa pagpananom ug pagluto sa mga pagkaon nga maoy gigamit ang gipalambo nga mga tanom nga mga utanon.
Ang nagkadaiyang lokal nga kagamhanan dinhi sa nasud maoy nag-una sa pagpasiugda sa mga kalihokan nga giubanan usab sa mga barangay kapitan ug mga molupyo sa kabarangayan pinaagi sa gidalang tema alang karong tuiga nga “Gutom at Malnutrisyon Samasama Nating Wakasan.â€
Naglakip sa mga lokal nga kagamhanan nga malampuson sa pagpasiugda sa nagkadaiyang kalihokan mao ang dakbayan sa Mandaue pinaagi sa gipasiugdahan nilang indigay sa ilang pagpananom nga mga utanon sa ilang tugkaran.
Gilangkoban sa tulo ka mga kategoriya ang maong indigay nga naglakip sa container gardening category, backyard gardening category ug highest number of gardens category nga gisalmotan sa mga molupyo nga gipangulohan sa ilang mga barangay kapitan.
Sa container gardening category maoy midaug si Gregoria Rosialda sa barangay Paknaan ug nadawat niini ang P20,000 nga ganting salapi, ikaduha si Velgina de Mira sa barangay Tipolo ug nadawat usab ang ganti nga P15,000 ug ikatulo si Santiago Lutchavez sa barangay Subangdaku ug nadawat usab ang ganti nga P10,000.
Sa backyard gardening maoy midaug sa unang ganti si Agripino Cuer sa barangay Tabok, ikaduha si Maximo Colinas sa barangay Subangdaku ug ikatulo usab si Moises Cantano sa barangay Casili ug ilang nadawat ang ganting salapi sama gihapon ang kantidad nga nadawat sa mga mananaug sa container gardening category.
Sa Highest number of gardens category maoy midaug ang barangay Paknaan, ikaduha ang barangay Canduman ug ikatulo usab ang barangay Tabok ug gidawat sa ilang mga barangay kapitan nga hingtungdan ang ganting salapi nga nagkantidad og P20,000 sa unang ganti, P15,000 sa ikaduha ug P10,000 usab alang sa ikatulong mananaug.
- Latest
