Mga positibong epekto kun anaa ang aktibong pagpaminaw sa mga ginikanan
Ning paagiha ang bata makakat-on pagdawat sa iyang kaugalingong bili ug pag-ako sa bisan unsang opinyon nga maisip niyang iyaha. Sila si Lawrence A. Pervin ug Oliver P. John sa ilang libro: PERSONALITY THEORY AND RESEARCH EIGHT EDITION pp. 184-185 ang nihatag ning maong panahom: “A variety of studies suggest that acceptance, democratic parental attitudes facilitate the most growth. Dugang pa matud pa nila nga ang mga bata nga anaa sa pag-atiman ning maong matang sa mga ginikanan ang nipakita og accelerated intellectual growth.
Sa laing bahin ang mga ginikanan nga matawag natong rejecting parents maoy hinungdan kun nganong ang ilang mga anak ang mahimong unstable, rebellious, quarrelsome. Ang matang sa gipakitang kinaiya sa mga ginikanan diha sa ilang pagdawat sa ilang mga anak nagpadayag usab sa ang-ang sa ilang pagdawat sa ilang kaugalingon mismo. Kun self-accepting ang usa ka ginikanan, dali lang alang kaniya ang pagdawat sa iyang mga anak.
Ang mga I Statements: Ako ug Dili ang Ikaw o Kamo!
Matud pa ni Nancy Van Pelt nga ang mga I Statements adunay positibong epekto sa kinabuhi sa mga bata. Sanglit, nagpadayag lamang kini sa pagbati sa ginikanan gumikan sa binuhatan sa ilang anak o mga anak ug wala kini modirekta sa pagkatawo mismo sa ilang anak. Mura ba og ingon tang pagkasultiha sama sa Dios. God hates the sin but loves the sinner. Samtang ang mga You-Statements kun ang mga Ikaw o Kamo nga Pahayag ang masaypan man sa bata nga usa ka matang sa paghukom sa bili sa pagkatawo sa bata. Mura ba og nahimong identical ang pagkabata sa sayop nga nahimo sa bata.
Ang epektibong Ako- nga Pahayag kon I-Statement ang naghupot tutulo ka mga mahinungdanong bahin.
1. Ang AKO NGA PAHAYAG (I Statement) nagpakita sa pagbati sa usa ka ginikanan gumikan sa dili madawat nga binuhatan sa iyang anak.
2. Ang dili masudyaong paghulagway sa dili maayong binuhatan sa bata. Mahimong gamiton ning puntoha ang mga You Statements.
3. Ang pagpasabot sa epekto nganha kanimo ingon nga ginikanan sa dili maayong binuhatan sa imong anak.
- Latest
