Pakigkukabildo alang balanse nga bata
Dili ikalimod nga lahi ra ang pinulongan nga ila sa mga bata nga tungod niini, dunay mga ginikanan nga maglisud og sulod sa ilang kalibutan. Managlahi ang gigikanan nga tungod niini dili mag-abot o magkatakdo ang mga ginikanan ug mga anak. Mao nga mahinungdanon kaayo ang maayong kukabildo kun komunikasyon aron matambalan ang gitawag nilang generation gap. Mahinungdanon kaayo ang tinuod nga pagsabot ug ideya sa kahulogan sa gitawag natong komunikasyon. Ang komunikasyon adunay duha ka lihok kon movement. Kini ang naglangkob sa paghatag ug pagdawat sa hustong impormasyon gikan sa usa’g-usa. Nga sa ato pa, kun dunay mosulti dunay maminaw. Ning paagiha, magkasinabot ang masigkahabig.
Kasagarang angal sa mga kabataan ngadto sa ilang mga ginikanan
1. Walay maminaw kanila.
2. Kanunay lang silang kasab-an o dili ba kaha sermonan.
3. Dili sila pasultihon sa ilang mga ginikanan. -- Sumpayan pa