Mapintas

Bisan pa sa kabag-ohan na sa panahon anaa pa gihapoy mga tawo nga nagpabiling “uncivilized.” Mapintas. Walay kasingkasing.

Karon lang bag-o pananglitan dihay gibalitang mga ulipon kinsa ang higdaanan niini tupad ra sa mga bitin.

Paakpaakon kuno sila sa mga bitin apan kahibudngan nga wa man nila’y naospital.

* * *

Ang paglabay og bato ngadto sa tawong sad-an hangtud kini mamatay, nagpadayon gihapon sa pipila ka mga dapit sa Afrika.

Nagpadayon usab kini sa pipila ka mga nasud sa mga Muslim didto sa Middle East.

Bisan sa mga makabag-o nang nasud sama sa Singapore ug Malaysia ang pagbunal og rattan stick sa mga sad-ang Kristiyanos gihimo pa gihapon sa mga otoridad sa pipila ka mga rural communities.

* * *

Didto sa usa ka dapit sa India, dunay usa ka pamilya kinsa nagbuhi og mga pitbull nga iro. Ang usa ka tawo nga nakasaa sa maong pamilya isud sa tangkal sa pitbull ug kun makasalbar kini sud usa ka oras buhian na siya ug patambalan og herbolaryo.

Ang pitbulll usa ka matang sa iro nga bisan gamayon ra grabe ka bangis ug mahait ang mga ngipon niini.

Dinhi sa ato sa Pilipinas gidili ang pagkupot o pagbuhi og pitbull tungod sa kadelikado niini kun makabuhi.

* * *

Didto sa usa ka dapit sa Thailand dunay usa ka animal trainer nga gisang-atan og kaso nga murder human kini nahibaw-an nga mipatay og usa ka batang badlongon pinaagi sa pagpatunob-tunob niini sa elepante nga gipanag-iya sa maong animal trainer.

* * *

TRIVIA. Mangumusta kita sa atong mga higala diha sa Talamban. Daghan salamat sa inyong nagpadayon suporta sa Banat News.