Tulo ka mga pagbati

1. Ako Lahi – Diha sa mga anak dili maayo nga itandi ang manghud sa maguwang kay kini makahatag og kagubot. Matag bata adunay kaugalingong kapasidad ug mga hilig nga angayang tahuron ug palamboon. Dili maayo sa usa ka ginikanan nga himoong sukaranan kon standard nga kalampusan sa usa ka anak ingon nga basehan alang pud sa kalampusan sa ubang mga anak.

2. Ako Sakop Gyud sa Pamilya – Mahinungdanon kaayo nga ipasinati sa mga anak ang ilang pagkasakop sa pamilya panahon sa kalipay ug sa kasakit. Dili maayo nga ililong sa mga anak ang tinud-anay nga kahimtang sa pamilya. Mas maayo nga samtang bata pa, tudloan na sila aron manginlabot ug magpakabana.

3. Ako Gihigugma -- Nemo dat quod non habet. “Dili ka makahatag kun kini wala nimo mahupti.” Ang bata dili mamahimong usa ka mahigugmaong bata kun wala niya masinati ang gugma gikan sa iyang pamilya. Mahinungdanon nga higugmaon nimo ang imong anak dili tungod kay siya nagbinuotan, o na-first honor o nakabuhat og maayo. Hinunoa, gihigugma  nimo siya tungod kay imo siyang kaugalingong anak. Kini maoy nakapahimo sa maong relasyon nga makahuloganon. May mahimo man siya o wala, angay niyang masinati bisan diha sa kalinghod sa iyang panuigon nga siya imo gyud nga gihigugma ingon nga ginikanan.

Mga mini nga bili

1. Kaanyag/kaambong – Usa kini ka puhonan sa usa ka bata kun itandi niadtong mag bata nga dili kaayo ambongan o maanyag tan-awon. Ang katilingban dako kaayo og pagtamod kaniya. Ang mga tawo apil na tingali ang mga ginikanan ang adunay pagdayeg kaniya kun itandi sa bata kang kansang hitsura wala makahupot og pisikal nga kaambong o kaanyag. Si Dr. James Dobson ang mihimo ning mosunod nga mga komentaryo:

a. Ang kaambong o kaanyag sa usa ka estudyante adunay epekto sa iyang grado.