Ang wheatgrass

Tingali nakahibalo na kita mahitungod aning trigo o wheat, mao kini ang unang gigamit kaniadto pa didto sa Uropa aron himoung tinapay o pagkaon. Human sa ikaduhang gubat, gipakaon tag trigo o bulgur nga gilugaw. Taas nga matang kini sa kan-onon nga may mga nutreyens nga gikinahanglan sa atong panglawas. Atong hisgutan ron, di ang trigong pagkaon kundi ang iyang pagkatanom o wheatgrass. Sama sa humay, paturokon una kini sa usa ka tinuyong luna. Nga ig-abot sa panahon, lukahon ug ipugas kini hangtod nga anihon. Sa wheatgrass igo lang kini nga paturokon o pasahaon sud sa 200 ka adlaw, ila nang pupo-on.

Kun ang pagkaong trigo o wheat may dakong benepisyo, nadiskubrehan sa mga eksperto ini, nga ang wheatgrass aduna sab ni halos kompletong benepisyo sa kahimsog sa atong panglawas. Busa daghan na ang nakuryoso aning tanoma. Dunay nag-eksperimento ani nga gihimong ornamental plants sa ilang balay.

Ang uban gani kun molabong na, anamon nag kuha sa saha aron mosaha’g balik. Ila ning pabukalan nga himoo’g juice o tsa. Nga kuno mayo kini alang niadtong di ka hilisan o maglisod sa pagpagawas sa hugaw. Duna say uban nga gidokdok ang ugat lakip ang dahon aron molimpyo nga pahamis sa tong pamanit.

Sa mga nasod nga adunay mga halapad o dagkong plantasyon nga nagprodyus ani, gihimoan gayud kinig higpit o strikto nga superbisyon sa abag sa mga ahensya sa gobiyerno. Aron pagseguro mabatonan ang taas nga kalidad, sa mga benepisyo ining wheat grass, nga naa na karon sa mga health stores.

Sa pagpananom sa wheatgrass, mahimong mabuhi kini bisan asang dapita, apan dili managsama ang mga kalidad sa mga nutreyens. Tungod kay aduna may dapit nga haom ang klima ug ang matang sa yuta, aron ang wheatgrass makabaton og kinatas-ang kalidad sa mga benepisyo nga mas epektibo kaayo. Segun sa sayantipikong pagtoon sa mga bio-chemist, eksperto sa panguma, o sa mga sayantis sa atong panahon, ang birtud sa kahimsog sa wheatgrass, may dako kayo ang kapuslanan, kun buot kita makabaton og lig-on ug protektado sa pag-alkontra sa nagkalidades nga kadaot sa atong panglawas.

Sa dugang kasayoran nga may kalabutan sa wheatgrass, ato ning tuki-on  sa sunod natong lindog sa mga texter nato pasayloa ko nga tungod sa kadaghan di  ko ka reply sa tanan apan paninguhaon ko..magpaila lang, edad ug pinuy-anan.