Dinhi sa ato, dili gyud mawala ang beer, ang emperador, ang tuba ug kanila nga mga daghang pundo ang cognac ug double black o dili ba kaha ang chivas regal. Anaa usab ang redwine sa nagkadaiyang brands. Kini ang nakapahimo sa matag usa kanato nga nalambigit sa mga okasyon diin gitawag ang atong panagpundok. Apan ning atong panahon karon, daghan ang nagtuo nga ang bino tubig mao nga ilang tinubigon og pag-inom ang resula, lasbag kaayo ug nahimong walay buot. Matud nila nga ang bino mao ang “well-loved drink†bahala na kun kini naputos sa mga pagsaway apan dili nimo mahimong ihiklin lamang ang bili niini diha sa kinabuhi sa tawo.
Ang bino diha sa balaang kasulatan
Generic ang pagamit sa pulong bino diha sa Balaang Kasulatan. Gi-apply kini ngadto sa makahubog (alcoholic ) ug dili makahubog (non-alcoholic) mahimo kining sabton sa duha ka pagsabot. Ang una mao ang positibo nga pagsabot ug ang ikaduha, negatibo nga pagsabot. Ania ang han-ay sa positibong pagsabot:
Positibong pagsabot
1. Kasaulogan, panalangin, abunansiya (Gen. 27;28;49;10-11, Deut. 33;28).
2. Makaluwas nga grasya sa Dios (Is. 55;1)
Negatibong pagsabot
1. Makadaut diha sa paghimo og mga desisyon (lev. 10;9-11)
2. Hinungdan sa sakit o balatian (Pan. 23;2021)
Daghan pang mga ulohan ug tudling sa mga nagkadaiyang mga bahin sa balaang kasulatan nga naghisgot niining maong mga kaayohan ug kadautan sa ilimnong makahubog. Sugo sa praktikalidad ato lang gipili ang pipila lamang gikan kanila.
Ang pulong “bino†sa karaang panahon
Ang “bino†sa hebreyong pulong gitawag og Yayin diin nagpunting kini sa mga nagkadaiyang matang sa ilimnon. Sa Griyego gitawag kini og Oinos ug sa Latin Vinum, bino o wine sa English. Ang Shakar walay alcoholic content ug gikan sa mga nagkadaiyang matang sa prutas sama sa ubas, dates ug uban pa. Ang Trios gikan sa ubas nga giniok apan wala mag-agi og fermentation. Kini gihangop sa kakaraanan ug kanunay nga dunay positibong komentaryo gikan sa mga tawo.