Mga hinungdan sa pag-inom
Ang makanunayong pag-ampo gikinahanglanon kaayo aron mapanalipdan sa tawo ang iyang kaugalingon bisan sa unsang matang sa pag-atakeng yawan-on ang addiction sa bisan unsa dili lang usa pisikal nga suliran hinunoa, aduna sab kini kalambigitan sa bisan unsang espiritwal nga kahimtang. Matud pa nila: “One day without prayer makes one weak!†kun ugaling imong makita nga maglisud ka og pugong sa paghubog-hubog ang maayong tambag mao: “Kun wala ka makasulay og inom sa bino, paglikay na lang gyud kay basin ang imong unang tilaw maoy sinugdanan sa imong pagka-alcoholic.
KAY UNSA BA DIAY ANG ALCOHOLISM?
Gitawag usab kini og alcohol dependence diin nahuptan niini ang mga mosunod nga mga elemento.
a. Kahidlaw. Diin anaa ang kusog nga panginahanglan nga moinom gyud sa ilimnong makahubog.
b. Pagkawalay kontrol. Diin ang hingtungdan ang dili makapugong sa kaugalingon diha sa pag-inom sa bisan unsang okasyon.
c. Pagsalig nga lawasnon (Physical Dependence). Bation ang mga lawasnong reaksiyon sama sa pagsingot kun ugaling ang hingtungdan mosuway pagbiya sa maong pag-inom.
d. Pagkamapasagaron. Diin ang hingtungdan kun magkadugay, magkadaghan usab ang paga-imnon. Sumpayan pa