Mihukom na ang mga tawo
Bisan unsaon og panghimakak sa One Cebu party nga dili ila ang mga hired goons nga nadakpan sa Alegria ug Santander, ang mga ebidensiya dili manghimakak.
Matud ni Kongresista Pablo John Garcia nga kandidato sa pagka-gobernador sa One Cebu Party nga dili sila “magpabuang-buang†og hire og goons nga wala man silay mayor unya kontra usab sila sa direktor sa kapolisan sa rehiyon.
Adunay logic si PJ Garcia sa iyang pangulipas. Apan unsaon man nang nangadakpan nga ang nakuha nilang sample ballot iya man sa One Cebu Party?
Aduna diay goons nga mang-haras og mga tawo aron mobotar sa kontra sa nagsuhol nila?
Ayaw ko’g ingna kadtong mga goons sa Alegria ug Santander mga sinuholan sa Liberal Party unya padad-on og sample ballot sa One Cebu Party.
Usa pa, kinsa man kining batasan ang mang-harass sa mga botante?
* * *
Ang mga tawo nakahukom na gyud.
Daghan sa mga “political dynasty†ang nangalumpag niining eleksiyona.
Dili na lang nako nganlan, nasayod na kamo kinsa kining mga politiko nga hapit mipilit sa puwesto ug nagtuo kitang dili na matarog niining eleksiyona.
Usa niini, si Tomas Osmeña nga ning eleksiyona gituohan sa kadaghanan nga makakuha og “sweet comeback†apan napilde gyud siya.
Ang mga tawo misulti na nga dili na gyud maayo ang political dynasty ug kining recycle sa mga politiko sa usa lamang ka puwesto. Gusto na sa mga tawo nga adunay kabag-ohan sa pagdumala sa kagamhanan.
Ang mga Garcia nga gituohan sa kadaghanan nga dili matarog tungod sa ka-inpluwensiyado sa pamilya.
Apan tungod sa mga kontrobersiya nga nakamantsa sa ilang apilyedo, ang mga tawo nakadesider nga gipadaplin na sila. Usa lamang sa mga Garcia ang milusot, si Gwen Garcia nga karon congresswoman-elect na sa tersiro distrito.
Si Pablo John, bisan giunsa niya og lihaylihay nga dili mabira iyang ngalan sa kontrobersiyal niyang igsuong si Gwen, ang mga tawo nakaila gyud niya nga igsuon siya sa gobernadora nga nag-atubang og kasong graft tungod sa Balili property.
- Latest
