EDITORIAL - Ang gahum ug puwersa sa Catholic vote

Hangtud karon may  mga  kandidato pa  nga  di  motuo  sa  Catholic vote  sama  kang  senatorial candidate Migs Zubiri base  sa balita  sa pahina 11 sa The Freeman, sa gula  niini sa  Mayo 1, 2013.

Mahimong  sa  terminolohiya  lang  ang  wa tuohi  ni  Zubiri  kay  lisud  man sab tinuod  nimong  tuohan  ang  maong  han-ay  sa  mga  pulong.

Kay  kun mogamit  gud  ka  sa terminolohiya  nga  Catholic vote,  nagkahulogan man  gud  kini  nga  boto  sa  katibuk-ang  membro  sa Katoliko.

Ambot  kun  kinsa  kahay  nagpasiugda  niining terminolohiyaa,  kay  usa  man  gud  ka imposibli  kaayo  nga  magkasabot  ang  tanang  Katoliko  sa pagtugpo  og  kandidato  nga  hiusahan  nila sa pagbotar  sa umaabot  nga  election.

Hinuon  mahimong  dinhi  sa Cebu  may Catholic vote  o  tanang  Katoliko  maghiusa  pagbotar  og  usa  ka partido  sa mga  kandidato  o  usa  lang  ka  kandidato, apan   sa Negros, Bohol, Siquijor  ug  uban pang  bahin  sa Pilipinas, kapareho  kaha  og  hunahuna  sa taga  Cebu?

Aw hinuon  dinhi  sa Cebu  gumikan  sa kalig-on  sa  mga  lider,  nga gisuportahan  usab  sa mga impluwensiyado kaayong  mga  inilang tawo, inilang  mga  adunahan, inilang  mga  negosyante, mahimo  baya  tingale  nga  magkahiusa  ang  tanan  pagtuman  sa iawhag  sa mga  gamhanan  kaayong  kaparian.

Kay  ang  di  nila  pagsunod  sa nanguna  kanila, base  sa Biblia, usa ka dakong  kasalanan  sa atubangan  sa Dios.

Base  sa Biblia,  ang  mga tinuod  nga  anak  sa Dios  may usa ka pagtulun-an, may usa ka sinugo,  may usa  ka  paghukom  diin  kanus-a  pa man  kutob  sa mosupak  niini  isipon  sa Dios  nga  iya  sa yawa.

Sakit  bayang  hunahunaon, apan  kun wa  sa  pundok  nga  giisip  sa Dios  nga Iyang  mga  anak wa may bili  ang  mga  pulong  sa Dios  nga nahisulat  sa Biblia.

Mahimong  may  uban  nga  nagpakabana  ug  nangita  asa  karong  panahona  makita  niya  ang  maong  pundok  apan  pipila  ra  ang  mihimo  niini.

Kini  tungod  kay  ang  garbo  sa tawo  kun  mao  nay  mopasulabi, di ka  na motuo   sa  imong  isig-katawo , sa pagtuo  nimo  nga  ikaw  na  ang  labing  bright  ug makamao, ug labaw na  nga di ka motuo  og  Dios  kay di man nimo Siya makita  nga  maoy  kinaiya  nga  gisagop  sa  mga  Pagano, sumala sa Biblia.