Ilha ang kandidato
Atol sa birthday party alang sa usa ka maestra, dihay usa ka miyembro sa media nga mihimo og kalingawan. Uyuan siya sa usa sa mga maestra.
Gihatagan niya og papel ug lapis (ballpen) ang lima ka titser ug gipasuwat kanila ang ngan sa 12 ka senatorial candidates nga ilang nasugatan sa pamantalaan.
* * *
Ang instruction: “In three minutes write down the names of the senatorial candidates you know, not necessarily those you would vote for.â€
Paspas og suwat ang mga titser. Apan mihinay dihang nagkaduol na ang deadline. Matud pa sa atong tinubdan, walay bisan usa sa lima nga nangapil nga titsers ang nakahatag og 12 ka hustong mga ngan.
* * *
Dihay usa ka titser kinsa aron makahatag og kompletong 12 ka ngan giapil si Rene Saguisag, Mar Roxas ug Mike Rama. Hehe!
Matud pa sa tigpasiugda sa kalingawan mura sad kadto’g wake-up call alang sa titsers. Kun botante sila, matud pa sa atong tinubdan, kinahanglan nga karon nang daan ilista na sa mga titser ang mga kandidato para Senado nga ilang botohan.
* * *
TRIVIA. Kita sad -- ikaw ug ako -- angay nga sugdan na nato ang pagkilatis (kun sa mga sabungero pa, panghimbis) sa mga kandidato sa Senado nga atong botaran. Likayan nga 11th hour nga pagpangandam sa atong botaranan ... Daghang salamat sa mga bumabasa sa Banat News diha sa Cebu South Bus Terminal ug sa North Terminal sab.
- Latest
