Ikalimang hilisgutan: Ang proseso sa dili pa himuon ang eksorsismo
Pahinumdom
I. Human sa Proseso sa Pagpalingkawas ug Eksorsismo Gisugyot kining mosunod:
a. Pagpalambo sa kinabuhing Espirituhanon sa biktima ug sa iyang pamilya. Kinahanglang dasigon sila nga maanaa kanunay sa kahimtang sa grasya. Labaw na nga palig-onon ang iyang kinabuhi sa pag-ampo.
b. Adunay tawo nga magsilbing padrino o madrina sa biktima. Katungdanan niya ang pagdasig sa biktima ug paggiya kaniya aron makapuyo sa usa ka kinabuhing maampoon ug maki-Diosnon.
c. Gikinahanglan ang makanunayong pagsusi o follow-up gikan sa Exorcism o Deliverance Team ngadto sa biktima aron malikayan ang posibling pagbalik sa krisis.
d. Dasigon ang biktima sa paglikay sa bisan unsang buhat o ni bisan kinsa nga maoy hinungdan sa iyang kaulipnan.
e. Gumikan sa trauma nga nasinati sa Kaulipnang Yawan-on kun demonic bondage mas haom nga anaa kanunay ang Sikolohikal nga Tabang gikan sa mga Eksperto.
- Latest
