Ang hingtungdan ang pagadad-on sa buhatan sa Office of Exorcism and Deliverance alang sa mas halawom nga proseso. Kini mao ang paghimo og mas detalyadong pagtuki sa kahimtang sa pasyente, paghatag og katesismo ug dugang pang pagpasabot kaniya ug sa iyang banay kalabot sa proseso nga mahitabo.
b. Psychiatric Evaluation
Tumong niini mao ang pagtino sa kahimtang sikolohikal sa pasyente diin bugtong eksperto lamang ang dunay kapasidad niini sama sa mga sikolohista o psychiatrists. Sila ang mohukom sa maong aspeto. Diha sa maong pamaagi matino kun natural nga balatian lamang kini o dili ba kaha espirituhanong balatian. Gikinhanglang mokuha og psychiatric exam ang pasyente.
3.Ang pagdeklarar sa “pasyente†ingon nga usa ka Kaso
Human sa makuting proseso uban ang mapalandungong pagpatidlum ug pag-ampo ang kahimtang sa pasyente ideklarar nga usa ka kaso nga sulod ning mosunod nga mga kategoriya:
a. Oppression nga nagkinahanglan og Deliverance Sessions/Counselling
b. Obsession nga nagkinahanglan og Deliverance Sessions/Counselling
c. Infestation nga nagkinahanglan og Deliverance Sessions o dili ba kaha House Exorcism
d. Possession nga nagkinahanglan og Solemneng Eksorsismo
Isunod dayon ang paghan-ay sa mga petsa diin pagahimoon ang sessions sa deliverance ug eksorsismo.
4. Pangandam sa Eksorsismo ug Deliverance Sessions
a. Alang sa biktima
Ipabuhat ingon nga tahas sa biktima kining mosunod:
1. Pagtambong sa Santos nga Misa matag adlaw ingon man ang pagkalawat.
2. Pagkumpisal labina sa mga sala nga nagsilbing abli alang sa demonyo nga nakasulod sa iyang kinabuhi.
3.Puasa aron mas lig-on ang iyang espirituhanong aspeto.
4.Pagpasaylo labina sa mga tawo (kaaway, barangan, usikan), nga maoy hinungdan sa iyang kahimtang.
5. Pagbag-o matag karon ug unya sa mga panaad sa bunyag.
6. Pag-isip sa maong kahimtang ingon nga krus nga angay’ng dawaton ug ihalad ngadto sa Dios.