Libre eskuyla

Bag-o pa lang nahuman ang gradwasyon sa Philippine Military Academy (PMA). Mga 124 ka kadete ang migradwar, 19 niini mga babaye. Upat niini (sa mga babaye) nasud sa Top 10.

* * *

Suma pa sa atong tinubdan, kasagaran sa nigradwar mga anak sa medyo kabus nga pamilya kinsa nakapahuman sa ilang mga anak sa PMA tungod kay libre man ang tanan. Gobyerno man ang nag-abaga sa tanang gasto.

* * *

Ang mga gradwit sa Class Pudang Kalis (2013) gilangkuban sa mga anak sa kabus nga mga Igorot, Tausog, Ibaloi ug uban pang mga katutubo. Ang balediktoryan usa ka Bisaya.

* * *

Ang mga nanggradwar nakadawat og degree nga Bachelor of Science. Apan nagkalain-laing sanga sa Armed Forces of the Philippines and ilang gipiling silbihan.

* * *

Tungod kay ang gobyerno mao may mogasto sa tanang gastohanan, ang kagamahanan kanunay miawhag sa atong mga kabatan-onan, lakip na ang mga anak sa kabus tang mga kaigsuonan sa pag-apil sa mga eksamen kon entrance tests nga ipahigayon matag tuig sa PMA.

* * *

TRIVIA. Kumusta sa atong mga higala diha sa Bogo City lakip na sa mga personnel sa city hall. Daghang salamat sa inyong suporta sa Banat News.