Magna Carta alang sa mga timawa

Si Rep. Cutie del Mar sa Ist District (North District) sa Cebu City mihangyo kang Presidente PNoy nga pirmahan na niini ang balaudnon nga Magna Carta for the Poor.

* * *

Kini nga balaudnon, diin si Cutie maoy author sa House version, miladlad sa mga katungod sa mga kabos sama sa ilang katungod sa pagkaon, katungod sa pagpangimpleyo, katungod sa kapasilongan (shelter), katungod sa basic health services, katungod sa edukasyon ug uban pa.

* * *

Matud ni Kongresista Cutie del Mar makaangkon lang ang nasud nga Pilipinhon og tinuoray ug malig-on nga demokrasya kun ang kadaghanan sa katawhan kahatagan og oportunidad nga makaangkon og kaayohan sa kinabuhi ubos sa kagamhanan.

* * *

Adunay bersiyon sa Senado kining maong Magna Carta for the Poor diin ang mga nangamahan niini mao sila si Sen. Jinggoy Estrada, Sen. Antonio Trillanes IV, ug Sen. Pia Cayetano.

* * *

Dili unta padugay-dugayon ni PNoy ang pagpirma ning maong balaudnon kay hagbay na nga gikinahanglan kini sa atong mga kabus nga kaigsuonan kinsa naninguha sab nga makaangkon og maayong kinabuhi.

* * *

Dili man malisud ang pag-implementar niini kay maayo man ang paghan-ay sa programa lakip na ang gikinahanglan nga pundo.

* * *

TRIVIA... Maayong buntag sa mga Banat News readers diha sa Calamba (V. Rama Ave) ning siyudad. Daghang salamat sa inyong walay paghunong nga suporta sa Banat News.