Hinumdom

C.   Preternatural-Demonic Cause

Ang sunod nga hinungdan kun nganong ang usa ka balay matawag natong usa ka haunted house mao: Ang preternatural demonic cause or causes niini. Mahimong atong hatagan og konsiderasyon kining mosunod:

a. Ang mga preceeding events sa wala pa matarok o mapuy-i ang maong dapit/balay. Tingali dunay gipatay, anaa ang habitual sinfulness, ang paggamit sa maong dapit ingon nga lugar alang sa mga séances, occult practices, ug uban pang mga delikadong mga balansayon nga nakahatag og pagtagad sa mga malevolent spirits nga mopuyo gumikan sa maong mga abling espiritwal kon spiritual openings.

b. Sa maong dapit kanhiay, anaay mga dagkong kahoy nga napuy-an sa mga elementals (engkanto, dwende, agta) nga nahatipon sa mga pumupuyo ug nakaapekto sa pagpuyo niini.

c.  Ang kanhiay nga pumupuyo nga mga occult practitioners o dili ba kaha dunay tawo nga nakaduaw sa maong dapit nga nagdala og mga attached spirits.

Mahinungdanon kaayo ang proseso sa pagpamalandong sa dili pa mohukom nga ang maong dapit o balay ang nakasinati og mga infestations. Ania ang mga posibleng mahitabo:

1. Ang si bisan kinsa nga magpuyo sa maong balay ang makasinati og pagpanghasing personal, sikolohikal, ug espiritwal nga nakaapekto sa pagpuyo ug relasyon sa matag usa. Ang yawa labina kun ang biktima wala maatiman sa mga sakramento ug mga espirituhanong panagang ang makasinati og dili hisabtang kagubot, kahadlok, ug kalinga (obsession).

2. Adunay mga balatian kun sakit nga dili matugkad kun nganong nahitabo sa mga pumupuyo sa maong panimalay nga moresulta usahay sa sunod-sunod nga kamatay.