Mga matang sa pag-atake sa yawa

Adunay duha ka mga matang sa pag-atake sa yawa. Kini ang naglangkob sa ordinary ug  extra-ordinary attack. Ang ordinary attack ang nakasentro sa gitawag natong Tental o Demonic Temptation.

 Ang extraordinary sa laing bahin ang naglangkob ning mosunod: oppression, infestation, ug possession. Atong unahon pagtuki ang ordinary attack nga mao ang temptation kon ang tental.

Ang Tentasyon kun atong tan-awon, dili usa ka sala apan okasyon sa pagpakasala diin ang yawa ang nakakita sa weakness kon kahuyangan sa usa ka tawo. Iya kining gamiton ingon nga puhonan aron ang tawo mohimo og sala nga makapalayo niya gikan sa kalambigitan o koneksiyon ngadto sa Dios.

Tumong sa tentasyon nga pasalaagon ang tawo aron sa ingon siya mamahimong magapos sa usa ka habitual sin. Kun siya magapos sa maong habitual sin, ang maong tawo ang matag karon ug unya ang mamahimong magpuyo sa kinabuhing halayo sa Diosnong presensiya.

Mao nga diha sa tentasyon, ang tawo gisukod sa iyang pagkamatinud-anon. Kay ang sala usa man gud ka pagpili ug labaw pa sa usa ka kompulsyon.

Usa kini ka Human Act sanglit naglambigit man niini ang Freedom, Knowledge ug ang Will. Sa matag higayon nga ang tawo nipili sa dalan sa pagpakasala, nagpasabot kini nga mas bug-at alang kaniya ang pagkinabuhi sa sala kaysa ang pagkinabuhi sa matarong.

Matag usa kanato ang gitental mao nga angay natong tinguhaon nga diha sa pag-angkon sa atong mga kahuyangan ug mga sirkumstansiya nga nagdapit kanato sa laang sa dautan, mahinungdanong atong hunahunaon nga mas maayo pa nga kita magpalayo sa mga okasyon nga magdala kanato sa kaalautan. Ayaw tuyoi ang makadaot kanimo.