Ikatulong hilisgutan: Mga sukaranang pagtulon-an sa simbahan

Ug gipadayon ni Jesus ang pagdason sa maong panagna diha sa iyang pag-ingon: “Natuman karong adlawa kining bahina sa kasulatan sumala sa inyong nadungog.”[7] Ning maong kapasikaran, giatubang sa atong Ginoo dili lang ang mga tawhanong reyalidad sa iyang pagpangalagad kundili apil na usab niini ang Espirituhanong Reyalidad. Nag-ayo siya sa mga balatiang pisikal ug sa mga balatiang espiritwal. Gani, iya mang gisugo ang iyang mga tinun-an sa pagpadayon sa iyang nasugdan. Misugo si Jesus sa iyang mga tinun-an:

“Panglakaw kamo sa tibuok kalibotan ug isangyaw kining Maayong Balita ngadto sa mga tawo. Ang motuo ug magpabunyag maluwas, apan ang dili motuo silotan. Ug mao kini ang mga timaan nga mabatonan sa mga motuo: Sa akong Ngalan manghinglan sila’g mga yawa ug manulti sila’g mga lainlaing sinultihan. Makakupot sila’g mga halas ug kun makainom sila’g hilo dili sila maunsa. Itapion nila ang ilang mga kamot sa mga masakiton ug mangaayo sila.”[8]. (Sumpayan pa)