Makalingaw ang artikulo ni Ma’am Cecilia Manguerra Brainard bahin sa Old Cebu (“Walking Tour of Old Cebu,†TF, Pebrero 23/13). Ang mga lugar kun dapit nga iyang gihisgutan, ato sab kini nasuruyan dihang lig-on pa ang atong mga tiil.
* * *
Usa ka bahin sa sinuwat ni Ma’am Cecilia nga medyo naka-shock kanato mao kadtong bahin sa Eddie’s Log Cabin. Serado na diay kini. Wa ta masayod hangtud atong nabasa ang maong artikulo.
* * *
Ang Eddie’s log Cabin dili luho tan-awon. Gani diha ra nahimutang sa lugar nga halayo sa mga kan-anan ug nahisagol kini sa mga tindahan nga wa’y koneksyon sa pagkaon. Apan natultulan kini sa mga prominenteng residente sa Sugbo.
* * *
Nakasud ug nakakaon kita mga tulo ka higayon sa maong kan-anan kay gida kita ni Sir Dodong Gullas, ang tinahud tang boss. Usa man si Sir Dodong sa mga prominenteng suki sa maong kan-anan.
* * *
Ang Eddie’s Log Cabin giugmad ni Eddie Woolbright, usa ka Amerikanhong opisyal sa U.S. Army kinsa midesidir sa pagpabilin dinhi sa Sugbo human miretiro pagkahuman sa World War II. Misanay ang kaliwat ni Eddie ug gani karon naa nay mga Woolbright nga giilang lumad nga mga Sugbuanon.
* * *
Daghan ang nanghinaut nga ablihan pagbalik ang Eddie’s Log Cabin kay nahimo naman kini nga usa ka trademark sa Sugbo human sa gubat.
* * *
TRIVIA. Maayong buntag sa atong mga higala diha sa may Pier Uno ug mga kasikbit nga dapit niini. Daghang salamat sa inyong walay pagkutat nga suporta sa Banat News