EDITORYAL - Cardinal Tagle way kabalak-an sa taga Visayas

Tataw na kaayo nga si Cadinal Luis  Antonio Tagle  ang arsobispo  sa Manila  maoy  mosunod nga Sto.  Papa  sa Katoliko  hulip  sa modemiter  na  sa katungdanan  nga  si Pope Benedict XVI.

Kini  tungod  kay nasuta  sa mga  Filipino  nga  ang  misyon  ni  Tagle  sumala  sa iyang  awhag  nga  migawas  sa pamantalaan  ning petsaha, Pebrero 22, 2013 to bring  the Catholic Church closer to the people”, ang  misyon  sa usa  ka ligdong  nga lider  sa maong  relihiyon.

Dinhi sa Cebu, Bohol, Negros  Oriental, ug Siquijor  o  sa tibuok Central Visayas  way kalabak-an  si  Cardinal Tagle  tungod  kay  pipila  lamang  ka  molupyo  dinhi  ang  mibalhin og  laing  relihiyon  gikan  sa Katoliko.

Mahimong sa  ubang  mga  lalawigan  o  rehiyon  ubay-ubay  ang naningkamot  nga mogawas  gikan  sa Katoliko, apan  dinhi  sa Central Visayas  nasayud  ang tanan  nga lunod  patay  ang  katawhan  dinhi  sa pagpabilin  sa Katoliko.

Ang  labing   nakapalig-on  dinhi  sa  mga  Katoliko  mao  ang  pagpaila  kang Sto. Niño  pinaagi  sa  mga  Katsila  niadtong 1521 nga gamhanang  bata  nga  mao  si Kristo.

Human  makompletong  libro  ang  Biblia  sa unang  siglo o unang  100 ka tuig human  sa kamatayon  ni  Kristo o after death (AD) nga  nagpatik  sa tinuod  nga kahimtang  ni Kristo nga Siya  tawo,  pag-abot  sa tuig 325 pinaagi  sa konselyo  sa Nisea gilig-on  sa  mga  unang  obispong Katoliko  nga si Kristo  Dios,  ug  sa tuig 381 gilig-on  sa konelyo  sa Constantinopla  nga  ang  espiritu  santo  Dios  usab.

Sa  pag-abot  sa tuig 1521 gikan sa pagka-Dios  ni Kristo  gihimo  kining  bata  nga  Sto. Niño  nga labing  nakapalig-on  sa pagtuo  sa  mga  Katoliko  sa kagamhanan ni  Kristo.

Si Kristo  misaka  sa langit  sa tuig 33 human sa iyang  kamatayon, unya  nangamatay    usab  ang  iyang  mga apostoles  sa naghinapos  na  ang  unang 100 ka tuig AD, dayon  gisugdan  na ang pagtukod  sa relihiyong  Katoliko  pinaagi  sa   unang  mga  Obispo  sa maong  relihiyon.

Karong  nia  sa ika-22 ka siglo AD ang  kalibotan misaka  na  sa usa ka bilyon  kapin  ang  mga membro  sa Katoliko  nga  maoy  dumalahon  ni Cardinal Tagle ug busa  kalauman  niya nga di  na  mokibra  ang  maong  gidaghanon  kundi  labi  pa  hinuon  kining  magdaghan  ilabi  na  sa  kampanya  karon  sa Katoliko  nga  kinahanglang magpadayon  sa pagpanganak  ug  pagdaghan hangtud  sa  pagbalik  ni  Kristo diin   sama  sa  bas  sa dagat  ang  mga  tawong iyang  hiabtan sa yuta.